مقبول خبریں
ایسٹرن پویلین ہال اولڈہم میں آزادکشمیر میں قائم اسلام ویلفیئر ٹرسٹ کے سالانہ چیرٹی ڈنر کا انعقاد
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
یورپی پارلیمنٹ میں سجاد کریم پاکستان کی بھرپور نمائندگی کر رہے ہیں: سفیر پاکستان یورپی یونین
مانچسٹر ...نارتھ ویسٹ سے یورپی ممبر پارلیمنٹ سجاد کریم ایم ای پی سے ملاقات میں یورپی یونین میں پاکستان کے سفیر منور سعید بھٹی نے پاک یورپی تجارتی روابط کے فروغ کے حوالے سے سجاد کریم کی کاوشوں کی تعریف کی ہے ، ملاقات کے دوران مستقبل کی پاک یورپی تجارتی سکیموں اور فرینڈز آف پاکستان گروپ کے کام کے حوالے سے سجاد کریم جس کے سربراہ ہیں تبادلہ خیال کیا گیا ..منورسعید نے کہا کہ سجاد کریم کی مقصد سے لگن اور کام کے عزم کاکوئی ثانی نہیں ہے، انھوں نے اور ان کے گروپ نے جوکام کیا ہے اس سے یورپی یونین میں پاکستان کی ساکھ بہتر ہوئی ہے اور ہم جانتے ہیں کہ جب بھی پاک یورپی معاملات کی بات ہوگی تو کوئی شخص پاکستان کی وکالت کرنے کیلئے موجود ہوگا۔ فی الوقت یورپی یونین کی پارلیمنٹ ایک تجارتی سکیم کے پیکیج پر تبادلہ خیالات کررہی ہے جسے جنرلائزڈ سسٹم آف پریفرنسز (جی ایس پی+ ) کا نام دیاگیا ہے جس کے تحت پاکستان جیسے ممالک کو یورپی مارکیٹ تک آسان رسائی حاصل ہوجائے گی۔ سجاد کریم کنزرویٹو پارٹی کے قانونی امور کے ترجمان اوریورپی پارلیمنٹ میں فرینڈز آف پاکستان گروپ کے چیئر مین ہیں وہ پاکستان کوجی ایس + کی فہرست میں شامل کرانے کی مہم میں پیش پیش رہے ہیں اور یورپ پاکستان 5 سالہ تعاون کے معاہدے سمیت متعدد دوطرفہ سمجھوتوں میں شامل رہے ہیں، جی ایس پی + کے مسئلے پر سجاد کریم نے کہا کہ یورپی یونین میں اب بہت سے لوگوں کو پاکستان میں یورپی یونین کیلئے موجود مواقع کااحساس ہونے لگا ہے خاص طورپر اس لئے کہ اب یورپی یونین کو جنوب ایشیا میں ایک پارٹنر کی تلاش ہے۔ گزشتہ 2 سال کے دوران یورپی یونین کی خارجہ امور کی سربراہ کیتھرین ایشٹن نے پاکستان کے ساتھ نتیجہ خیز تعلقات قائم کرنے پر از سرنو توجہ مرکوز کی ہے اورجی ایس پی+ تجارتی سکیم درست سمت میں ایک پیش رفت ہے۔