مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
لندن کے عوام نے خوف اورتقسیم کے بجائے امید اور اتحاد کا انتخاب کیا: نو منتخب میئر صادق خان
لندن: لندن کے نو منتخب پہلے مسلمان پاکستانی نژاد میئر صادق خان نے کہا ہے کہ لندن کے عوام نے خوف،تقسیم کے بجائے امید اور اتحاد کا انتخاب کیا ۔ کامیابی کے بعد عوام سے خطاب میں انہوں نے کہا کہ وہ کبھی تصور نہیں کر سکتے کہ ان جیسا شخص لندن کا میئر منتخب ہوگا۔ انہوں نے وعدہ کیا کہ وہ تمام لندن والوں کے میئر ثابت ہونگے ۔خوف کی سیاست کو اس شہر میں خوش آمدید نہیں کہاجائے گا۔ انہوںنے کہاٹرانسپورٹ کرایوں میں کمی،سستی ہائوسنگ سکیموں،روزگار میں اضافہ اور انٹرپرائززپر سے ٹیکسوں کے خاتمے کے حوالے سے تمام وعدے پورے کرینگے ۔لیبرپارٹی کے نو منتخب میئر صادق خان نے کیتھڈرل چرچ میں حلف اٹھانے کے بعد عہدے کا چارج سنبھال لیا۔تقریب حلف برداری میں ارکان پارلیمنٹ اور عمائدین شہر نے بڑی تعداد میں شرکت کی،جیسے ہی حلف کیلئے اہلیہ کے ہمراہ ہال میں پہنچے تو لوگوں نے کھڑے ہو کر ان کا استقبال کیا۔تقریب حلف برداری میں لیبر پارٹی کے لیڈر جرمی کوربن کی عدم شرکت کو سب نے محسوس کیا۔تقریب حلف برداری سے خطاب کرتے ہوئے صادق خان نے کہا لندن کا میئر بننے پر خوشی ہے ،لندن کے شہریوں کے مسائل حل کرنے کیلئے بھرپور کردار اداکروں گا۔میراوعدہ ہے کہ اب لند ن کی ہر چیز بہتر ہوگی۔سرکاری نتائج کے مطابق صادق خان کو 13 لاکھ دس ہزار 143 جبکہ ان کے مخالف کنزرویٹو پارٹی کے زیک گولڈسمتھ کو 9 لاکھ 94 ہزار 614 ووٹ ملے ۔صادق خان کے حلقے توٹنگ میں بھی جشن منایا گیا۔ادھر صادق خان نے ا یم پی کی نشست سے مستعفی ہونیکا اعلان کردیاہے ۔پاکستانی نژاد صادق خان کی کامیابی پر پاکستان میں بھی جشن منایا گیا اور مٹھائیاں تقسیم کی گئیں۔امیر جماعت اسلامی سراج الحق ،بلاول بھٹو زرداری اور عمران خان نے بھی صادق خان کو مبارکباد دی۔ پیرس،نیویارک کے میئر،فرانسیسی وزیر ا عظم نے بھی صادق خان کو مبارکباد دی۔صادق خان کا خاندان ہندوستان سے ہجرت کرکے کراچی اور فیصل آباد میں آباد ہوا تھا پھر وہاں سے یہ خاندان1960میں لندن چلاگیا۔