مقبول خبریں
راچڈیل، ساہیوال جیسے شہروں کے رشتے کو مثالی بنایا جائیگا: ممبر پنجاب اسمبلی ندیم کامران
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
مہاجر ری پبلکن آرمی کا متحدہ قومی موومنٹ سے نہیں بلکہ تعلق کہیں اور ہے: چوہدری نثار
اسلام آباد ... وفاقی وزیر داخلہ چوہدری نثار علی خان نے کہا ہے کہ کراچی کے ٹارگٹ کلرز شمالی وزیرستان میں روپوش ہوگئے ہیں۔ جن کی تعداد 250ہے۔ لیکن یہ جرائم پیشہ افراد کہیں بھی چھپ جائیں انہیں بخشا نہیں جائے گا۔ قومی اسمبلی میں خطاب کرتے ہوئے انہوں نے کہا کہ کراچی کے حالات ٹھیک کرنا آسان نہیں ہے۔ سندھ حکومت سمیت تمام سیاسی جماعتوں سے مشاورت کے بعد کراچی آپریشن شروع کیا گیا لیکن کراچی سے 250 ٹارگٹ کلرز شمالی وزیرستان چلے گئے .. انہوں نے ساتھی پارلیمنٹیرینز کو بتایا کہ وزیراعلیٰ سندھ قائم علی شاہ کی نگرانی میں کراچی آپریشن کامیابی سے آگے بڑھ رہا ہے۔15 دنوں کے میں کراچی میں رینجرز کے 400 اور پولیس کے 1000 آپریشنز ہو چکے ہیں۔ آپریشن کے پہلے مرحلے کے کچھ اہداف باقی ہیں۔ دوسرے مرحلے میں مزید شدت آئے گی جبکہ کراچی آپریشن کا حتمی مرحلہ تیسرا ہوگا۔ چودھری نثار نے کہا خفیہ اداروں کی رپورٹ بتاتی ہے کہ مہاجر ریپبلکن آرمی کے رابطے کہیں اور ہیں ۔ مہاجر ریپبلکن آرمی کے بارے میں رپورٹس سابق حکومت کے دور کی ہیں۔ انہوں نے واضح کیا کہ’مہاجر ری پبلکن آرمی‘ کا متحدہ قومی موومنٹ سے کوئی تعلق نہیں، انٹیلی جنس رپورٹ ’مہاجر ری پبلکن آرمی‘ کا تعلق کہیں اور سے بتاتی ہے۔ وزیر داخلہ نے ایک مرتبہ پھر یہ باور کرایا کہ کراچی آپریشن شروع ہونے سے پہلے تمام جماعتوں سے مشاورت کی گئی۔ چودھری نثار نے کہا اب جو بھی اس میں رکاوٹ بنے گا، وہ عوام کے سامنے بے نقاب ہوجائے گا۔ آپریشن وفاقی حکومت نے شروع کرایا اور وفاقی حکومت ہی اس کی نگرانی کر رہی ہے..