مقبول خبریں
اولڈہم ہوپ ووڈ ہاؤس ہیلتھ سنٹر میں خواتین کو آگاہی دینے کیلئے لیڈی ہیلتھ ڈے کا اہتمام
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
تحریک کشمیر ڈنمارک کے زیر اہتمام کوپن ہیگن میں اظہار یکجہتی کشمیر کانفرنس کا انعقاد
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
نیوی ہیڈ کوارٹرز پر فائرنگ کرنے والا امریکی ذہنی مریض تھا: میڈیا رپورٹس
واشنگٹن...امریکہ کے دارالحکومت واشنگٹن میں پیر کو بحریہ کے ایک اڈے پر فائرنگ کر کے بارہ افراد کو ہلاک اور آٹھ افراد کو زخمی کرنے والے حملہ آور ایرن الیکسز کے بارے میں کہا گیا ہے کہ وہ دماغی خلل، بے خوابی اور آوازیں سنائی دینے کا مریض تھا اور ان بیماریوں کا علاج بھی کروا رہا تھا ..بحریہ کے اڈے پر فائرنگ کے واقعے کے ایک روز بعد منگل کو بھی واشنگٹن سوگوار ہے اور وائٹ ہاؤس پر قومی پرچم سرنگوں ہے۔ ابھی تک حملہ آور کے عزائم کے بارے میں کچھ پتہ نہیں۔ ایرن الیکسز کے بارے میں بتایا جاتا ہے کہ وہ بدھ مت قبول کر چکے تھے۔ ایرن الیکسز کے ہاتھوں ہلاک ہونے والے آٹھ افراد کی شناخت سامنے آنی شروع ہوگئی ہیں اور ان کی عمریں چھیالیس سال سے تہتر برس بتائی جاتی ہیں۔ ایرن الیکسز بعد میں پولیس سے فائرنگ کے تبادلے میں ہلاک ہو گیا تھا پیر کی صبح اندھا دھند فائرنگ سے نیوی ہیڈ کوارٹرز میں دہشت پھیلانے والے ا س شخص کوامریکی پولیس نے ہلاک کرنے کا دعوا کیا تھا فائرنگ کی زد میں آکر 12 افراد ہلاک ہو گئے تھے۔ جائے حادثہ پر زخمیوں کو فوری طبی امداد دی گئی جبکہ پولیس اس بارے فکرمند ہے کہ مسلح شخص حساس نیول دفاتر میں کام کرنے والے تین ہزار سے زائد افراد میں سے کسی کو نقصان نہ پہنچائے .. ابتدائی طور پر پولیس کا کہنا تھا کہ ’نیوی یارڈ‘ کی عمارت میں کم از کم ایک مسلح شخص نے 10 افراد کو فائرنگ کا نشانہ بنایا۔ اطلاعات کے مطابق زخمیوں میں ایک پولیس افسر بھی شامل ہے۔ نیوی نے اس واقعہ کی اطلاع سب سے پہلے سماجی رابطے کی ویب سائیٹ ’ٹوئیٹر‘ کے ذریعے دی۔ واشنگٹن نیوی یارڈ امریکی کانگریس کی عمارت ’کیپٹل ہل‘ سے تقریباً دو کلو میڑ کے فاصلے پر واقعہ ہے۔