مقبول خبریں
سیریا ریلیف کی چیئر پرسن ڈاکٹر شمیلہ کی طرف سے چیرٹی بر نچ کا اہتمام ، کمیونٹی خواتین کی شرکت
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
برطانیہ : پاکستانی ہائی کمشنر نے پاکستان قونصلیٹ گلاسگو میں مشین ریڈیبل پاسپورٹ کا افتتاح کر دیا
گلاسگو: برطانیہ میں پاکستان کے ہائی کمشنر سید ابن عباس نے پاکستان قونصلیٹ گلاسگو میں مشین ریڈیبل پاسپورٹ کا باضابطہ افتتاح کیا۔ جس سے کمیونٹی کا ایک اور دیرینہ مطالبہ پورا ہو گیا ۔توقع ہے کہ اس سے سکاٹ لینڈ اور شمالی آئرلینڈ میں رہنے والے پاکستانی کمیونٹی کے تقریباً اسی ہزار ارکان کو فائدہ پہنچے گا۔ اس کے ساتھ ہی پاکستان کے چاروں قونصلیٹ یعنی برمنگھم، مانچسٹر، بریڈفورڈ اور گلاسکو میں مشین ریڈیبل پاسپورٹ سروس کی فراہمی کا عمل کا بھی مکمل ہو گیا ہے۔ گزشتہ ایک سال کے دوران اس سلسلے میں انتھک کوششیں کی گئیں جن کا ثمر اب سامنے آ گیا ہے۔ اس موقع پر قونصلیٹ میں منعقد ہونے والی تقریب میں سکاٹش پاکستانی کمیونٹی کے ارکان سے خطاب کرتے ہوئے ہائی کمشنر نے سیاست، کاروبار اور تدریس سمیت مختلف شعبوں میں برطانوی اور سکاٹش پاکستانیوں کی کامیابیوں کو سراہا اور کہا کہ یہ تمام پاکستانیوں کے لئے فخر کا باعث ہیں۔ ہائی کمشنر نے پاکستان کی ترقی اور خوشحالی میں برطانوی اور سکاٹش پاکستانی کمیونٹی کی طرف سے ادا کئے جانے والے اہم کردار کو اجاگر کیا جو برطانیہ اور پاکستان کے درمیان ایک پل کا کردار ادا کرتے ہیں۔ ہائی کمشنر نے کمیونٹی ارکان کو بتایا کہ پاکستانی معیشت سے دیرپا افزائش عیاں ہے۔ انہوں نے سمندر پار پاکستانیوں کو دعوت دی کہ وہ پاکستان میں سرمایہ کاری کریں اور ملک کی لبرل سرمایہ کاری پالیسی سے فائدہ اٹھائیں۔ ملک کو دہشت گردی سے پاک کرنے کے حکومتی عزم کے بارے میں اظہار خیال کرتے ہوئے ہائی کمشنر نے نیشنل ایکشن پلان کے تحت آپریشن ضرب عضب کے نتیجے میں پاکستان کی سکیورٹی صورتحال میں آنے والی بہتری کے بارے میں آگاہ کیا۔ بعد ازاں ہائی کمشنر سے بات چیت کے دوران کمیونٹی کے نمائندوں نے گلاسکو کے پاکستان قونصلیٹ میں اس ضروری سروس کی فراہمی پر حکومت پاکستان اور ہائی کمیشن کی کاوشوں کو سراہا۔ اس سروس کی فراہمی ہائی کمیشن اور اس کے قونصلیٹس کی جانب سے بہتر قونصلر سروسز کے ذریعے کمیونٹی کی بھرپور معاونت کے سلسلے میں جاری کوششوں کا تسلسل ہے۔