مقبول خبریں
راچڈیل مساجد کونسل کی طرف سے مئیر کونسلر محمد زمان کی مئیر چیرٹیز کیلئے فنڈ ریزنگ ڈنر کا اہتمام
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
مسئلہ کشمیر کا حل اقوام متحدہ کی قراردادوں کےسواممکن نہیں: راجہ افتخار،راجہ امجدودیگر
برمنگھم ... لائن آف کنٹرول پر بھارتی فوج کی جانب سے بلاشتعال فائرنگ اور گولہ باری سے نہتے شہریوں کی ہلاکتوں پر برطانیہ بھر میں کشمیری و پاکستانی کمیونٹی سراپا احتجاج بن گئی۔ عالمی برادری نے موجودہ کشیدگی کا نوٹس نہ لیا تو خطہ جنگ کی لپیٹ میں آسکتا ہے۔ ان خیالات کا اظہارایک کمیونٹی ورکر ساجد مغل کی طرف سے منقعدہ تقریب سے خطاب کرتے ہوئے مقررین نے کیا۔اس تقریب کے مہمان خصوصی مسلم لیگ یوتھ ونگ آزاد کشمیر کے مرکزی رہنماء راجہ افتخار جبکہ مسلم لیگ مڈلینڈ کے صدر راجہ امجد صدارت کر رہے تھے۔استقبالیہ تقریب کی نظامت شفیلڈسٹی کے کونسلر مرزا محمد معروف ایڈووکیٹ نے کی ۔اس موقع پر کل جماعتی انٹرنیشل کشمیر رابطہ کمیٹی کے سپریم ہیڈ مولانا بوستان قادری،کونسلر محمد ادریس، پاکستان مسلم لیگ ن آزاد کشمیر برطانیہ کے نائب صدرراجہ ثقلین خان، پاکستان مسلم لیگ ن آزاد کشمیراوورسیز ویلفیر کے چیرمین راجہ فرید خان، پاکستان مسلم لیگ ن آزاد کشمیر یوتھ ونگ برطانیہ کے جنرل سیکرٹری تصور نقوی، پاکستان مسلم لیگ ن آزاد کشمیربرطانیہ کے رہنماسابق کونسلر چوہدری محمد سعید،پیپلز پارٹی تحصیل ڈڈیال کے صدر چوہدری ظہور سرور،پیپلزبزنس فورم کے کواڈینٹر واجد علی برکی ،نسیم کیانی،چوہدری محمد رفیق،ماجد حسین مغل،واجد حسین مغل، خالد انقلابی،راجہ شاہپال خان آف سہنسہ اور دیگر نے خطاب کرتے ہوئے کہا کہ گزشتہ ایک ماہ سے بھارتی فوج کی جانب سے لائن آف کنٹرول پر فائرنگ اور گولہ باری سے متعدد بے گناہ شہری شہید ہوچکے ہیں۔ مسئلہ کشمیر کا حل اقوام متحدہ کی قراردادوں کے سوا ممکن نہیں۔ اقوام متحدہ اور عالمی برادری اپنی ذمہ داریاں پوری کرے۔انہوں نے کہا کہ میرپور آزاد کشمیر میں واپڈا حکام اور حکومت وقت کی بدترین لام بندی کے سبب مقامی متاثرین منگلا ڈیم کے کروڑوں اربوں مالیت کے رہائشی مکانات ڈیم کے پانی کی نذر ہورہے ہیں اور میرپور کے لوگوں کو ہنگامی بنیادوں پر نقل مکانی کرنے پر مجبور کیا گیا۔