مقبول خبریں
دی سنٹر آف ویلبینگ ، ٹریننگ اینڈ کلچر کے زیر اہتمام دماغی امراض سے آگاہی بارے ورکشاپ
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
جس لڑکی نے خواب دکھائے وہ لڑکی نابینا تھی!!!!
پکچرگیلری
Advertisement
صحافیوں کے تحفظ میں پاکستان کا ریکارڈ اچھا نہیں حکومت معاملے کوترجیحات میں شامل کرے
کراچی ...صحافیوں کے تحفظ کے لیے کام کرنے والی ایک بین الاقوامی تنظیم کمیٹی ٹو پروٹیکٹ جرنلسٹس ’سی پی جے‘ نے ایک پاکستانی صحافی پر کراچی میں تشدد اور حبس بے جا کے واقعے پر شدید تشویش کا اظہار کرتے ہوئے حکومت سے واقعے کی مکمل تحقیقات اور صحافیوں کو تحفظ فراہم کرنے کے لیے اقدامات کا مطالبہ کیا ہے۔ تنظیم کے ایشیا پروگرام کے معاون باب ڈیٹز نے بیان میں کہا ہے کہ علی چشتی کو حبس بے جا میں رکھنے اور تشدد کا نشانہ بنانے کے واقعے میں ملوث افراد کو سزا دی جانی چاہیئے۔ انھوں نے وزیراعظم نواز شریف کی حکومت سے مطالبہ کیا کہ ذمہ داروں کو انصاف کے کٹہرے میں لانے کے لیے ہر ممکن اقدامات کیے جائیں۔ باب ڈیٹز کے بقول صحافیوں کے تحفظ و سلامتی کے ضمن میں پاکستان کا ریکارڈ اچھا نہیں ہے اور حکومت کو اس معاملے کو اپنی ترجیحات میں شامل کرنا چاہیئے۔ پاکستان میں صحافیوں کی نمائندہ تنظیم پاکستان فیڈرل یونین آف جرنلسٹ کے عہدیدار پرویز شوکت نے کہا ہے کہ ملک میں دہشت گردی اور امن و امان کی خراب صورتحال کا شکار صحافی برادری بھی بنتی آرہی ہے لیکن ان کی تنظیم صحافیوں کے تحفظ کے لیے اپنی کوششیں جاری رکھے ہوئے ہے۔ موجودہ حکومت نے دہشت گردی کے خلاف موثر کارروائی کا فیصلہ کیا ہے تو دیکھیں ہم امید کرتے ہیں کہ موجودہ حکومت کچھ کر لے گی۔ نیشنل پریس کلب اسلام آباد کے سابق صدر افضل بٹ نے اس ضمن میں اظہار خیال کرتے ہوئے کہا کہ صحافیوں کودہشت گرد گروپوں کا، ڈرگ مافیا، لینڈ مافیا سامنا ہے جن کے خلاف خبر چھپتی ہے وہ لوگ کارروائی کرتے ہیں۔ ہم مایوس نہیں ہیں کیونکہ ہم نہ صرف پاکستان بلکہ پوری دنیا میں اپنے حق کے لیے آواز بلند کر رہے ہیں۔