مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
شامی فوج نے دمشق کے نواح میں زہریلی سارین گیس استعمال کی: امریکی حکام حمایت کیلئےمصروف
واشنگٹن ... امریکی وزیر خارجہ جان کیری کے بقول اس بارے میں شواہد موجود ہیں کہ شامی صدر بشار الاسد کی فوج نے 21 اگست کو دمشق کے نواح میں کارروائی کے دوران زہریلی سارین گیس استعمال کی۔ جان کیری نے بین الاقوامی برادری کو خبردار کیا ہے کہ ایسے مہلک کیمیائی ہتھیار کے استعمال کو نظر انداز نہیں کیا جا سکتا۔ ساتھ ہی کیری نے امریکی کانگریس پر بھی زور دیا کہ وہ اسد انتظامیہ کو آئندہ ایسے حملوں سے روکنے کے لیے امریکا کی طرف سے محدود فوجی کارروائی کی منظوری دے دے۔ وزیر خارجہ نے ٹیلی وژن پر ’مِیٹ دا پریس‘ پروگرام میں بتایا کہ اس حملے کے بعد امریکا کو مہیا کردہ انسانی بالوں اور خون کے نمونوں کے تفصیلی جائزوں سے ثابت ہو گیا ہے کہ حملے میں سارین گیس استعمال کی گئی۔ دوسری جانب امریکہ کے صدر براک اوباما شام کے خلاف فوجی کارروائی کے سلسلے میں امریکی کانگریس کی حمایت حاصل کرنے کی کوششیں جاری رکھے ہوئے ہیں۔ بعض قانون سازوں نے مسٹر اوباما کے منصوبے اور اس کی بنیاد بننے والے شواہد پر روس کی جانب سے سوالات کی وجہ سے شک و شبہات کا اظہار کیا ہے۔ مسٹر اوباما سینیٹر جان مکین کے ساتھ پیر کو وائٹ ہاؤس میں ایک اجلاس کی میزبانی کر رہے ہیں۔ مکین شام کے خلاف بھرپور کارروائی کی حمایت کرتے آئے ہیں اور اُنھوں نے اتوار کو کہا تھا کہ امریکہ کو محدود فضائی حملوں سے بڑھ کر کارروائی کرنی چاہیئے۔ کانگریس کے بعض اراکین نے اس موقف کی مخالفت کرتے ہوئے اس مسئلے میں فوج کو شامل کرنے کے حوالے سے سوالات اُٹھائے ہیں۔ امریکی حکام نے اتوار کو بعض قانون سازوں کو اُن خفیہ معلومات سے آگاہ کیا جن کے مطابق شامی فوج نے دارالحکومت دمشق کے قریب گزشتہ ماہ زہریلی کیمیائی گیس کا استعمال کیا تھا، جس سے 1,000 سے زائد افراد کی موت واقعے ہوئی۔ روس کے وزیرِ خارجہ سرگئی لاروف نے پیر کو کہا کہ امریکہ کی جانب سے پیش کیے گئے شواہد اطمینان بخش نہیں ہیں ۔