مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
حالیہ انتخاب میں پی ٹی آئی کی کامیابی توملکی سیاست کی سونامی کا محض ٹریلر تھا: فوزیہ قصوری
شفیلڈ ... پاکستان تحریک انصاف کی سینئر رہنما اور فارن افیئرز کی ایڈوائزر فوزیہ قصوری نے شفیلڈ میں جلسہ عام سے بطور مہمان خصوصی خطاب کرتے ہوئے کہا ہے کہ پاکستان کے حالیہ انتخاب میں پی ٹی آئی نے جو کامیابی حاصل کی وہ ملک کی سیاست میں آنے والی سونامی کی ابتدائی لہر کا ایک ایسا ٹریلر تھا جس نے پاکستان کی آزادی سے لے کر اب تک مسند اقتدار پر براجمان طبقہ کی نیندیں حرام کر دیں ۔ انہی وڈیروں اور حکمرانوں نے غریب عوام کا استحصال کرنے کے سوا نہ ملک نہ عوام کے لئے کبھی کچھ کیا ۔ انہوں نے کہا کہ بیرون ملک مقیم پاکستانیوں کو ہمیشہ ملکی معیشت کے لئے ریڑھ کی ہڈی قرار دینے والوں نے ان کو سوائے پریشانیوں ، مسائل اور سوتیلے پن کے احساس کے کچھ نہ دیا حد تو یہ ہے کہ مختلف ممالک میں ان کی خدمت پر مامور ہائی کمیشن عملے کا رویہ بھی ان کے ساتھ ہتک آمیز ہی ہوتا ہے ۔ تقریب کے مقررین کی جانب سے پارٹی میں دوبارہ واپسی پر مسرت کا اظہار اور مبارک باد پیش کرنے والوں کا شکریہ ادا کرتے ہوئے فوزیہ قصوری نے کہا کہ پی ٹی آئی ان کی رگوں میں دوڑتے خون کی مانند ہے ۔ انہوں نے پارٹی چھوڑنے کی وضاحت پیش کرتے ہوئے کہا کہ پارٹی کے انتظامی ڈھانچہ کی تشکیل کے لئے الیکشن اور پھر قومی و صوبائی انتخابات کے لئے ٹکٹوں کی تقسیم پر نہ صرف میرے بلکہ پارٹی کے بعض دوسرے مخلص اور نظریاتی کارکنوں کے ساتھ زیاد تیاں ہوئیں تاہم پارٹی چیئر مین عمران خان نے میرے اور پارٹی کارکنوں کے تحفظات کا نوٹس لیتے ہوئے ان کے ازالہ کے لئے باضابطہ بورڈ تشکیل دینے کا اعلان کیا جس کے بعد پارٹی میں دوبارہ واپسی کی راہ ہموار ہوئی ۔ انہوں نے کہا کہ اگر ہمیں پاکستان کو مضبوط بنانا ہے تو عہدہ اور ٹکٹ سے بالا تر ہو کر نظریاتی سیاست کوفروغ دینا ہو گا ۔ پی ٹی آئی کے ساتھ وابستگی اور وطن کی خدمت کا جذبہ ہی ہے جس کے پیش نظر میں نے امریکہ کی شہریت چھوڑی ۔پی ٹی آئی یارکشائر اینڈ ہمبر کے صدر اسلم بھٹہ کی صدارت ، شرجیل ملک کی نظامت اور حافظ سہیل صابر کی تلاوت قرآن سے شروع ہونے والے اس جلسہ سے خطاب کرتے ہوئے ایڈوائزر برائے اوورسیز انوسٹمنٹ صاحبزادہ جہانگیر نے کہا کہ ہمارے ملک کے حکمرانوں نے ہمیشہ غیر ممالک میں جائیدادیں خریدنے اور بنک بیلنس بڑھانے کو ہی اپنی ترجیح بنائے رکھا ۔ عمران خان اور پارٹی کی اعلیٰ قیادت نے بیرون ملک مقیم محب وطن پاکستانیوں کو ملک میں سرمایہ کاری کرنے کی حوصلہ افزائی اور تحفظ دینے کے لئے انوسٹمنٹ بورڈ تشکیل دیئے ہیں ۔ انہوں نے گزشتہ رو سکاٹ لینڈکے کامیاب دورہ کا حوالہ دیتے ہوئے کہا کہ سکاٹ لینڈ کے فرسٹ منسٹر نے اعلان کیا ہے کہ وہ پاکستان میں سرمایہ کاری کے خواہش مند پاکستانیوں کے وفد کے ہمراہ پاکستان کا دورہ کریں اور کے پی کے میں سرمایہ کاری کے مواقع کا جائزہ لیں گے ۔ صدر تقریب محمد اسلم بھٹہ نے کہا کہ پاکستان تحریک انصاف کا خیبر پختون خواہ میں حکومت بنانا پاکستان کی ترقی اور مضبوطی کے ارتقائی عمل کا خو شگوار آغاز ہے ۔ جلسہ سے خطاب کرتے ہوئے ۔سینئر نائب صدر برطانیہ مصدق خان ،کونسلر ابرار حسین ، چوہدری شاہد علی ، تنویر محی الدین ، کونسلر مرزا محمد معروف ، آصف خان اور ویمن ونگ کی صدر مونا عظیم نے فوزیہ قصوری کی پارٹی کے لئے بے لوث خدمات اور پارٹی و ملک کی خدمت کی خاطر امریکی شہریت کو چھوڑنے پر انہیں خراج تحسین پیش کرتے ہوئے انہیں پارٹی کارکنوں کی " ماں " قرار دیا ۔ اس موقع پر پی ٹی آئی یارکشائر اینڈ ہمبر کی جانب سے فوزیہ قصوری اور صاحبزادہ جہانگیر کو پارٹی کی بے لوث خدمات پر شیلڈ پیش کی گئیں ۔