مقبول خبریں
ایسٹرن پویلین ہال اولڈہم میں آزادکشمیر میں قائم اسلام ویلفیئر ٹرسٹ کے سالانہ چیرٹی ڈنر کا انعقاد
مسئلہ کشمیر بارےیورپی پارلیمنٹ انتخابات پر برطانیہ و یورپ میں بھرپور لابی مہم چلائینگے،راجہ نجابت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
سرچ آپریشن
پکچرگیلری
Advertisement
پاکستان کی یہ خوش قسمتی کہ اسے عمران خان جیسے نڈر اور بے باک رہنما کی قیادت میسر ہے: چوہدری عبدالعزیز
پیٹر برا ... پیپلزپارٹی پیٹر برا کے سابق صدر اور ایڈہاک کمیٹی کے رکن چوہدری عبدالعزیز پیپلزپارٹی سے اپنی سیاسی رفاقت ختم کرکے تحریک انصاف میں شامل ہوگئے۔ تحریک انصاف میں شمولیت کا اعلان انہوں نے مقامی ریسٹورنٹ کے ہال میں ایک بڑے اجتماع سے کیا جس کا اہتمام سابق امید وار اسمبلی چوہدری شوکت فرید نے کیا تھا۔ چوہدری عبدالعزیز نے کہا کہ میرے لئے پیپلز پارٹی چھوڑنا آسان فیصلہ نہیں تھا۔ میں نے ایک کارکن کی حیثیت سے مختلف ذمہ داریاں نبھائیں۔ پیپلز پارٹی نے ہمیں سوچ و فکر دی لیکن بدقسمتی سے محترمہ کی شہادت کے بعد پارٹی پر ایسے لوگوں کا قبضہ ہوگیا جن کا پارٹی سے دور دور کا بھی واسطہ نہیں تھا۔ پیپلز پارٹی پورے پانچ سال برسر اقتدار رہی لیکن محترمہ کے قاتلوں تک پہنچنے اور انہیں کیفر کردار تک پہنچانے کی بجائے انہیں شامل اقتدار کرکے کارکنوں کے جذبات کو ٹھیس پہنچائی گئی۔ چوہدری عبدالعزیز نے مزید کہا کہ تحریک انصاف میں شمولیت کا فیصلہ اپنے عزیز و اقارب سے صلاح و مشورے اور باہمی سوچ و بچار سے کیا ہے اس وقت پاکستان کی یہ خوش قسمتی ہے کہ اسے عمران خان جیسے نڈر اور بے باک رہنما کی قیادت میسر ہے۔ کرنل (ر) محمد فایوم نے کہا کہ ہم سیاست میں ذاتیات کے قائل نہیں اور نہ ہی ہمارا مقصد چہرے تبدیل کرنا ہے۔ ہم چاہتے ہیں کہ یہ فرسودہ نظام ختم ہو تاکہ حق داروں کو اس کا حق ملے۔ چوہدری محمد افسر آف سٹوک آن ٹرنٹ نے کہا کہ چوہدری عزیز رشتے میں بھی میرے عزیز ہیں۔ مجھے اُن کی صلاحیتوں پر بے اختیار رشک آتا ہے۔ ایسے نوجوان قوموں کا سرمایہ ہوتے ہیں۔ چوہدری عبدالحمید نے کہا کہ ہماری سیاست کا محور بیرسٹر سلطان محمود ہیں کشمیر کاز کے سلسلے میں ان کی کاوشیں قابل ستائش ہیں۔ پیٹر برا تحریک انصاف کے صدر چوہدری ظفر اقبال نے کہا کہ چوہدری عبدالعزیز کی شمولیت سے PTI مزید مضبوط و فعال ہوگی۔ چوہدری امجد اقبال ، چوہدری محمد افسر مانچسٹر، محمد نوید، چوہدری افضل سمیت مختلف مقررین نے خطاب کرتے ہوئے چوہدری عزیز کی PTI میں شمولیت کے فیصلے کو سراہا۔ تقریب کی صدارت چوہدری عبدالحمید، تلاوت ظفر اقبال جبکہ نظامت شوکت فرید نے کی۔ (رپورٹ و تصاویر: راجہ لیاقت حسین)