مقبول خبریں
سیرت النبیؐ کے پیغام کو دنیا بھر میں پہنچانے کے لئے میڈیا کا کردار اہم ہے:پیر ابو احمد
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
دہشت گردی پنے مذموم مقاصد کیلئے مسلمانوں کے انتشار سے فائدہ اٹھاتے ہیں: قائد اعظم ٹرسٹ کی تقریب
برمنگھم ... دہشت گردی کے خلاف جنگ میں پوری قوم کو یکسو ہونا پڑے گا، معصوم انسانی جانوں سے کھیلنے والوں کا کوئی مذہب نہیں ہوسکتا ایسے لوگ اپنے مذموم مقاصد کیلئے مسلمانوں کے انتشار سے فائدہ اٹھاتے ہیں۔ ان خیالات کا اظہار مقررین نے سانحہ پشاور کے شہدا کے اعزاز میں منعقدہ ایک تقریب میں کیا جسکا اہتمام قائد اعظم ٹرسٹ نے کیا تھا۔ ایک شہید اور ایک زخمی بیٹے کے باپ محمد نواز نے اپنے تاثرات سے ہر آنکھ کو پرنم کردیا۔ ان کا کہنا تھا کہ سانحہ پشاور کے151شہدا کا پیغام لے کر آیا ہوں، آگے بڑھیں حکومت پاکستان اور مسلح افواج کی حمایت اور سپورٹ کریں۔ دہشت گردوں کی کھل کر مذمت اور اپنے اتحاد سے ان کو تنہا کریں۔ آج ہمیں آگے بڑھ کر ان کا راستہ روکنا ہوگا۔ آگے آئیں اور اپنے بچوں کے مستقبل کو محفوظ کرلیں۔ اگر آپ کچھ کرنا چاہتے ہیں تو پروگرام کا انعقاد کریں۔ ہمیں کمیونٹی کو دہشت گردی کے خلاف آگہی پیدا کرنا ہوگی۔ آج میں صرف احمد نواز کا باپ نہیں بلکہ151شہدا اور200زخمیوں کا نمائندہ بول رہا ہوں۔ ہمارے کندھے پر ذمہ داری ہے کہ ملک کو اس ناسور سے پاک کرنا ہوگا۔ اس موقع پر حضرت سخی سلطان باہو کے سجادہ نشین روحانی پیشوا اور ممتاز عالم دین حضرت پیر خالد سلطان قادری نے کہا ہے کہ اس وقت ملک کو سنگین چیلنج کا سامنا ہے۔ ملک دہشت گردی کی زد میں ہے۔ فرقہ واریت کی تقسیم، لسانی تقسیم اور دہشت گردی کے خلاف نرم موقف کی وجہ سے سخت مشکلات کا سامنا ہے۔ چیئرمین قائداعظم ٹرسٹ راجہ اشتیاق نے کہا کہ ملک میں فرقہ واریت کا خاتمہ ضروری ہے ہم سب ایک ہیں۔ تقریب سے مسلم لیگ یوتھ ونگ برطانیہ کے صدر راجہ حق نواز جانباز بنیامین فضل ایڈووکیٹ، علامہ امیر حسین نقوی، ڈاکٹر پیر شاہد احمد بادشاہ، فیضان گھمگول شریف، پیر محمد طیب الرحمن قادری، نائب مغل، خالد پرویز، محمد غالب، فہیم کیانی، شہزاد اقبال، بیرسٹر رشید مرزا، علامہ محمد نذیر مسروری اور دیگر کثیر تعداد میں پاکستان و کشمیر کمیونٹی کے رہنمائوں نے شرکت کرکے محمد نواز کے ساتھ اظہار یکجہتی کیا۔ ٹرسٹ کے چیئرمین اور تقریب کے میزبان راجہ اشتیاق نے آخر میں شرکا کا شکریہ ادا کیا اور اس عزم کا اعادہ کیا کہ دہشت گردی کے خلاف جنگ میں پوری قوم افواج پاکستان کے ساتھ کھڑی ہے۔