مقبول خبریں
نائجیریا کمیونٹی ایسوسی ایشن کا میئر چیئرٹی فنڈریزنگ ڈنر کا اہتمام ،مئیر کونسلر محمد زمان کی خصوصی شرکت
بریگزیٹ بحران :کنزرویٹو پارٹی کی تین خواتین ممبر کی آزاد گروپ میں شمولیت
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
میں روشنی سے اندھیرے میں بات کرتا ہوں!!!!!!
پکچرگیلری
Advertisement
افواج پاکستان کا لائن آف کنٹرول پر بھارتی فورسز کی بلا اشتعال فائرنگ کا منہ توڑ جواب..!!
راولپنڈی ... پاکستان کی افواج نے لائن آف کنٹرول کے علاقے کیرالہ سیکٹر میں بھارتی فورسز کی بلا اشتعال فائرنگ کا منہ توڑ جواب دیتے ہوئے 3 بھارتی فوجیوں کو ہلاک کر دیا ہے۔ ذرائع کے مطابق پاکستانی فوج نے جوابی کارروائی کرتے ہوئے گزشتہ دو روز کے دوران بھارتی فورسز کو بھاری نقصان پہنچایا ہے۔ کیرالہ سیکٹر میں دونوں جانب سے گولہ باری کا سلسلہ 2 گھنٹے تک جاری رہا جس میں 3 بھارتیوں کے ہلاک ہونے کی اطلاعات ہیں۔ دوسری جانب کنٹرول لائن پر نکیال سیکٹر کے گاؤں ڈبسی، دھیری اور لنجوٹ کے مقامات پر بھارتی فوج نے دوبارہ جارحیت کا مظاہرہ کیا۔ بلا اشتعال گولا باری اور فائرنگ کا سلسلہ نماز فجر کے فوراً بعد شروع کر دیا گیا۔ بھارتی فوج نے چوبیس گھنٹوں کے دوران آزاد کشمیر کے نکیال سیکٹر میں لائن آف کنڑول پر چار مرتبہ فائرنگ کرکے جنگ بندی کی خلاف ورزی کی۔ نکیال سیکٹر میں بھارتی فوج کی طرف سے ترکنڈی کے مقام پر شہری آبادی پر فائرنگ سے دو افراد زخمی ہو گئے۔ بھارتی فوج نے زخمی افراد کو ہسپتال لے جانے والی ایمبولینس پر بھی فائرنگ کر دی تاہم ایمبولینس میں سوار عملہ محفوظ رہا۔ بھارت کی جانب سے کنٹرول لائن پر صرف ایک دن میں شہری آبادی کو نشانہ بنانے کا یہ چوتھا واقعہ ہے جس میں دو شہری شہید اور متعدد افراد زخمی ہو چکے ہیں۔ اُدھر حکومت آزاد کشمیر نے کنٹرول لائن سے ملحق 3 کلومیٹر تک کے ایریا میں قائم تمام سکول و کالجز کو غیر معینہ مدت کیلئے بند کر دیا ہے۔ ان علاقوں میں پرائیویٹ سکولز بھی بند رہیں گے۔ واضح رہے کہ بھارتی فوج کی جانب سے لائن آف کنٹرول کی خلاف ورزی کا سلسلہ گزشتہ کئی روز سے جاری ہے۔ فائرنگ کے نتیجے میں اب تک پاک فوج کے ایک افسر سمیت کئی اہلکار اور شہری شہید ہو چکے ہیں۔