مقبول خبریں
برطانوی حکومت مسئلہ کشمیر کے حل کے لئے اپنا اثر و رسوخ استعمال کرے:ایم پی جیوڈتھ کمنز
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
بلاول بھٹو زرداری کے مسئلہ کشمیر پر دلیرانہ موقف سے اوورسیز کشمیریوں میں نیا جوش وولولہ پیدا ہوا
پیٹر برا ... وزیراعظم آزاد حکومت ریاست جموں وکشمیر چوہدری عبدالمجیدنے کہا ہے کہ 15نومبر کو پاکستان پیپلزپارٹی کے چیئرمین بلاول بھٹو زرداری کا جلسہ نئی تاریخ رقم کرے گا عوام میں بھرپور جوش وخروش پایا جاتا ہے ۔چیئرمین پاکستان پیپلزپارٹی بلاول بھٹو زرداری کے مسئلہ کشمیر پر دلیرانہ موقف سے اوورسیز کشمیریز میں نیا جوش وولولہ پیدا ہوگیا ہے جو تحریک آزادی کے لیے نیک شگون اور حوصلہ افزا ہے جبکہ بھارتی قیادت کی نیندیں اڑ چکی ہیں ۔آزادکشمیر حکومت مسئلہ کشمیر کو اس کے اصل تناظر میں حل کرانے کے لیے اپنی بھرپور جدوجہد جاری رکھے گی۔وہ جمعرات کے روز یہاں 15نومبر کے جلسہ کے سلسلہ میں کارنر میٹنگ سے خطاب کررہے تھے ۔ تقریب کی صدارت حاجی نائب نے کی جبکہ کارنر میٹنگ سے سینئر وزیرچوہدری محمد یٰسین،وزیر تعلیم کالجز مطلوب انقلابی،وزیر سیاحت عبدالسلام بٹ،ایڈمنسٹریٹر کے ڈی اے چوہدری عبدالمجید،کونسلر اظہر بڑھالوی،محمد جمیل ،چوہدری محمد وحید،حاجی عبدالعزیز، چوہدری مقدس ،انجم نثار،شوکت فرید اور دیگر نے بھی خطاب کیا۔وزیراعظم آزادکشمیر چوہدری عبدالمجید نے عالمی برادری سے اپیل کی کہ وہ مقبوضہ کشمیر میں قابض بھارتی فوج کے ہاتھوں مظلوم کشمیریوں کی نسل کشی بند کروائے اور مقبوضہ کشمیر کے عوام کو بین الاقوامی طور پر تسلیم شدہ استصواب رائے کا حق دلوائے ۔پیپلزپارٹی کی قیادت نے کشمیریوں کے حق خودارادیت کے لیے جو مشن شروع کیا تھا بلاول بھٹو زرداری اس مشن کو پورا کریں گے۔بلاول بھٹو کے مسئلہ کشمیر پر جرات مندانہ موقف نے بھارتی اقتدار کے ایوانوں کو لرزا کررکھ دیا ہے ۔بھارتی حکمران چیخ وپکار کررہے ہیں مگر بھارتی حکمرانوں کے تمام تاخیری حربے اب ناکام ہوں گے اور کشمیری حق خودارادیت کی منزل حاصل کر کے رہیں گے۔وزیراعظم نے کہاکہ تحریک آزادی کے بیس کیمپ میں پیپلزپارٹی کی حکومت شہداء کی وارث ہے یہ کشمیری شہداء کے لہو کو رائیگاں نہیں جانے دے گی۔وزیراعظم آزادکشمیر نے کہاکہ مقبوضہ کشمیر کے عوام ہمارے وجود کا حصہ ہیں مقبوضہ کشمیر کے عوام کو بھارتی تسلط کے خاتمے تک جدوجہد آزادی سے روکا نہیں جاسکتا۔ وزیراعظم آزاد حکومت ریاست جموں وکشمیر چوہدری عبدالمجیدنے کہا ہے کہ 15نومبر کے جلسہ سے بلاول بھٹو زرداری کی قیادت میں ہزاروں افراد شہدا ئے کشمیر سے اظہار یکجہتی اور تحریک آزادی کشمیر کے ایک نئے دور کا آغاز کریں گے ۔بہت جلد یکجہتی کے اس سلسلے کو یورپ ،امریکہ اور دینابھر میں لے کر جائیں گے۔ اورسیز پاکستانی اور کشمیری اپنے بچوں کے ہمراہ شہدائے کشمیر کے ساتھ اظہار یکجہتی کے لیے اکھٹے ہوں۔