مقبول خبریں
برطانوی حکومت مسئلہ کشمیر کے حل کے لئے اپنا اثر و رسوخ استعمال کرے:ایم پی جیوڈتھ کمنز
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
جموں و کشمیر تحریک حق خودارادیت یورپ کی بیرسٹر سلطان کو ملین مارچ میں بھر پور شرکت کرنے کی یقین دہانی
بریڈ فورڈ :جموں و کشمیر تحریک حق خودارادیت یورپ نے26اکتوبر کے ملین مارچ میں بھر پور شرکت کرنے اور بیرسٹر سلطان محمود کی حالیہ کاوشوں میں تعاون کی یقین دہانی کراتے ہوئے برٹش کشمیریوں ، پاکستانیوں اور ممبران پارلیمنٹ کے علاوہ کونسلروں اور خواتین تنظیموں سے تعاون کی اپیل کی ہے ۔ اس سلسلے تحریکی عہدیداروں کا ایک مشاورتی اجلاس تحریک کے چیئرمین راجہ نجابت حسین کی صدارت میں ہوا جس میں متفقہ طور پر اس مارچ کو لندن میں کامیاب کروانے کی حکمت عملی پر غور کیا گیا ۔ راجہ نجابت حسین اور سردار عبدالرحمن نے تحریکی رہنمائوں کو بیرسٹر سلطان محمود سے راجہ نجابت حسین کی رہائشگاہ پر ہنے والی تفصیلی ملاقات سے آگاہ کرتے ہوئے کہا کہ کنٹرول لائن پر مسلسل کشیدگی ، بھارت وزیر اعظم اور وزراء کے حالیہ بیانات اور برطانوی پارلیمنٹ میں مسئلہ کشمیر پر بحث کے بعد برطانیہ میں ملین مارچ سے تحریک آزادی کشمیر پر مثبت نتائج متوقع ہیں لہٰذا ہم بیرسٹر سلطان محمود کی ان کاوشوں کو تقویت دینے کیلئے ہر سطح پر تعاون کرینگے اور تحریکی عہدیدار اپنی سفارتی صلاحیتوں کو بروئے کار لاتے ہوئے زیادہ سے زیادہ برطانوی اور یورپی ممبران پارلیمنٹ کو بھی شرکت پر آمادہ کرینگے ۔ تحریکی رہنمائوں نے مارچ کو قومی کاز کیلئے ایک سنہری دن قرار دیتے ہوئے کہا کہ مسئلہ کشمیر عالمی سطح پر فلیش پوائنٹ بن چکا ہے اور کشمیریوں کی یکجہتی بھارت اور پاکستان کو ایک واضح پیغام دے گی کشمیری عوا م کو اقوام متحدہ کی قراردادوں اور چارٹر کے مطابق جب تک حق خودارادیت نہیں مل جاتا کشمیری دنیا بھر میں خاموش نہیں بیٹھیں گے اور آزادی ملنے تک جدوجہد جاری رکھیں گے ۔ اس سے قبل سابق وزیر اعظم آزاد کشمیر بیرسٹر سلطان محمود نے تحریکی چیئرمین راجہ نجابت حسین اور سرپرست سردار عبدالرحمن خان سے انکی رہائشگاہ پر ملاقات میں ملین مارچ کے پروگرام کی تفصیلات سے آگاہ کرتے ہوئے کہا کہ ریاست جموں و کشمیر کے عوام کی جدوجہد کو عالمی سطح پر اجاگر کرنے اور عالمی برادری کی حمایت حاصل کرنے کیلئے حالیہ مہم سے نہ صرف برطانوی اور یورپی حکومتوں کے ذریعے بھارت پر موثر دبائو ڈالا جائے گا بلکہ اس ہم سے مستقبل قریب میں اقوام متحدہ اور امریکہ میں بھی کشمیریوں کی قوت کا بھر پور مظاہرہ کروائینگے انہوں نے تمام کشمیری جماعتوں تنظیموں اور سیاسی و سماجی کارکنوں کے علاوہ مذہبی اکابرین کے تعاون پر شکریہ ادا کیا اور کہا کہ کنٹرول لائن پر حالیہ کشیدگی کے بعد عالمی برادری کے سامنے بھارت کے غاصبانہ عزائم سامنے آگئے ہیں جس کا عالمی برادری کو نوٹس لینا چاہئے اور اس بے حسی اور خاموشی کے خلاف برٹش کشمیریوں کو آواز بلند کرنے کیلئے لاکھوں کی صورت میں برطانوی وزیر اعظم کی رہائشگاہ کے سامنے مظاہرہ کرکے ملی ذمہ داری کا ثبوت دینا چاہئے ۔ اس موقع پر تحریک کے چیئرمین اور دیگر رہنمائوں کے علاوہ تحریک تحفظ ناموس رسالت نارتھ کے سربراہ ملک رحمت اعوان ، پیپلز پارٹی کے مرکزی رہنما چوہدری نثاز حسین نمبردار ، چوہدری محمد مالک ، طارق ایوب ، وزیر اعظم کے سابق پریس سیکرٹری محمد رشید چوہدری ، ممتاز مذہبی اور سماجی رہنما عمران حسین چوہدری کے علاوہ احسن رشید چوہدری بھی موجود تھے ۔