مقبول خبریں
برطانیہ کے ابھرتے ہوئے گلوکار عثمان فاروقی کے گانے جلوہ نے دنیا بھر میں دھوم مچا دی
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
کشتواڑ میں ہونے والے فسادات کیخلاف احتجاج، پولیس اور مظاہرین کے درمیان شدید جھڑپ
سرینگر ... مقبوضہ کشمیر میں کشتواڑ میں ہونے والے فسادات کیخلاف احتجاجی مظاہروں کا سلسلہ جاری، ہڑتال کے دوران پولیس اور مظاہرین کے درمیان شدید جھڑپ ، آنسو گیس لاٹھی چارج کا بے دریغ استعمال مظاہرین کا پتھراو پولیس اہلکاروں سمیت بیسیوں افراد زخمی۔ سرینگر مظفر آباد شاہراہ کئی گھنٹوں تک بند۔ تفصیلات کے مطابق کشتواڑ فسادات کیخلاف شمالی قصبہ بارہمولا میں ہزاروں کی تعداد میں لوگ سڑکوں پر نکل آئے مشتعل مظاہرین نے پولیس سٹیشن پر دھاوا بول دیا اور ریاستی انتظامیہ کیخلاف نعرے بازی شروع کر دی۔ احتجاجی مظاہرے کے تحت سرینگر مظفر آباد شاہراہ کئی گھنٹوں تک بند رہی ٹریفک کا نظام معطل ہو کر رہ گیا۔ پولیس نے مظاہرین کو منتشر کرنے کے لئے آنسو گیس اور لاٹھی چارج کا بے دریغ استعمال کیا جبکہ مشتعل مظاہرین نے جوابی حملے کے طور پر پولیس پر پتھراو کیا اہم شاہراہ اور گلی کوچے دن بھر میدان جنگ کا منظر پیش کرتے رہے۔ جھڑپوں کے دوران بیسیوں افراد زخمی جبکہ پولیس نے بیسیوں نوجوانوں کو گرفتار کرکے مختلف تھانوں میں پہنچا دیا دوسری جانب حریت کانفرنس کی کال پر کشتواڑ واقعات اور دفاعی کمیٹیوں کیخلاف ہفتے کے روز وادی بھر میں مکمل ہڑتال رہی تمام کاروباری ادارے سرکاری و پرائیویٹ دفاتر ، سکول اور کالجز بند رہے سڑکوں پر ٹریفک غائب ہر طرف ہو کا عالم رہا کئی مقامات پر حریت کارکنوں نے احتجاجی مظاہرے بھی کئے ہیں۔