مقبول خبریں
راچڈیل مساجد کونسل کی طرف سے مئیر کونسلر محمد زمان کی مئیر چیرٹیز کیلئے فنڈ ریزنگ ڈنر کا اہتمام
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
برطانیہ میں کمیونٹی نے زندگی کے دیگر شعبہ جات کی طرح سیاست میں بھی پاکستان کا نام روشن کیا:چوہدری اعجاز
سلائو : برطانیہ میں کمیونٹی نے زندگی کے دیگر شعبہ جات کی طرح سیاست میں بھی نمایاں ترقی اور کامیابیاں حاصل کرکے ملک پاکستان کا نام روشن اور بلند کیا اوورسیز کمیونٹی پاکستانیوں سے بڑھ کر پاکستانی ہونے کا ثبوت دے رہی ہے ان خیالات کا اظہار میر پور آزاد کشمیر کی معروف سیاسی شخصیت چوہدری اعجاز احمد رضا نے میئر آف سلائو کے چیمبر میں اپنے اعزاز میں منعقدہ تقریب سے بحیثیت مہمان خصوصی خطاب کرتے ہوئے کیا ۔ میئر آف سلائو نے ان کا میئر چیمبر آمد پر شاندار استقبال کیا اس موقع پر ڈپٹی میئر کونسلر صوفی راسب کمشنر کونسلر سہیل منور ، کونسلر ظفر عجائب ، وزیر اعظم آزاد کشمیر کے مشیر اطلاعات اورنگزیب چوہدری ، چوہدری عارف بجاڑوی ، محمد ممریز سمیت دیگر نے بھی اظہار خیال کیا ۔ تقریب سے مہمان خصوصی اعجاز احمد رضا نے مزید خطاب کرتے ہوئے کہا کہ برطانوی سیاسی سسٹم بالخصوص لوکل گورنمنٹ سسٹم کی وجہ سے بہت سے اہم اور عام لوگوں کے مسائل حل ہو رہے ہیں پاکستان اور آزاد کشمیر میں کافی عرصہ سے لوکل سطح پر انتخابات نہ ہونے کے باعث عام آدمی کی مشکلات میں اضافہ ہوا ہے اوورسیز کمیونٹی کا ملک پاکستان سے رشتہ ایمان کی طرح مضبوط اور مستحکم ہے جو کسی بھی مساوات اور مسائل کی وجہ سے کمزور نہیں سکتا ۔ پاکستان کے عوام میں اس وقت سیاسی شعور بڑی تیزی کے ساتھ بیدار ہو رہا ہے جو اس بات کی غمازی ہے کہ پاکستان کے حالات بہت جلد بہتر ہو جائینگے ۔ اعجاز احمد رضا نے میئر آف سلائو چوہدری شفیق کا میئر چیمبر میں تقریب منعقد کرنے پر شکریہ ادا کیا اور میئر چوہدری شفیق کو دورہ میر پور کی دعوت دی ۔ تقریب سے میزبان میئر آف سلائو چوہدری شفیق نے اعجاز احمد رضا کو میئر چیمبر آمد پر خوش آمدید کہتے ہوئے کہا کہ ان کیلئے بڑے اعزاز اور خوشی کی بات ہے کہ اعجاز احمد رضا جیسی قابل عزت باصلاحیت شخصیت نے ان کی دعوت پر میئر چیمبر کا دورہ کیا پاکستان اور آزاد کشمیر سے آئے ہوئے مہمانوں کی عزت اور تعظیم کرنا ہمارے لئے باعث خوشی اور اعزاز ہے پاکستان سے محبت ہمارے ایمان کا حصہ ہے ہماری دعا ہے کہ اللہ تعالیٰ ملک پاکستان کو مسائل اور مشکلات سے جلد سے جلد نکالے ۔ تقریب سے ڈپٹی میئر صوفی راسب نے کہا کہ چوہدری اعجاز احمد رضا کو وہ ذاتی طور پر جانتے ہیں وہ بڑے باپ کے بڑے بیٹے ہیں انتہائی قابل ، باصلاحیت باکردار سیاسی شخصیت کے حامل اعجاز رضا سے ہمیں بہت سے امیدیں وابسطہ ہیں ۔ ہمیں امید ہے کہ وہ اپنے مرحوم والد سابق وزیر تعلیم چوہدری غلام احمد رضا کے سیاسی مشن اور جدوجہد کو جاری رکھتے ہوئے آزاد کشمیر کی سیاست میں اپنا بھر پور سیاسی کردار ادا کرینگے ۔ تقریب سے کمشنر کونسلر سہیل منور ، اورنگزیب چوہدری ، کونسلر ظفر عجائب ، چوہدری عارف بجاڑوی ، محد ممریز نے اظہار خیال کرتے ہوئے اعجاز احمد رضا کو سلائو آمد بالخصوص میئر چیمبر آنے پر شکریہ ادا کیا اور کہا کہ برطانیہ میں مقیم کمیونٹی پاکستان کے موجودہ حالات کی وجہ سے سخت پریشانی کا شکار ہے پاکستان کی سیاسی قیادت کو مل بیٹھ کر ملک پاکستان کے سیاسی حالات کو بہتر اور ٹھیک کرنے کیلئے کردار ادا کرنا چاہئے ۔