مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
برطانیہ بھر سے محب وطن کشمیری و پاکستانی ملین مارچ میں شامل ہونگے، چوہدری ریاض احمد
بریڈ فورڈ :پیپلز پارٹی آزاد کشمیر کے مرکزی رہنما اور سابق ایڈمنسٹریٹر ضلع بھمبر چوہدری ریاض احمد کشمیر ملین مارچ میں شرکت کی غرض سے برطانیہ پہنچ گئے ہیں ، مانچسٹر آمد کے فوری بعد وہ بریڈ فورڈ روانہ ہو گئے جہاں انہوں نے چوہدری محمد مالک کی رہائشگاہ پر ان سے ملاقات کی اور ملین مارچ کے حوالہ سے تفصیلاً بات چیت کی ۔ اس موقع پر چوہدری محمد ریاض نے کہا کہ کشمیر ملین مارچ تحریک آزادی کشمیر کا سنگ میل ثابت ہو گا اور برطانیہ بھر سے محب وطن کشمیری و پاکستانی ریکارڈ تعداد میں اس مارچ میں شامل ہونگے ۔ انہوں نے کہا کہ یہ مارچ کسی ایک جماعت یا شخص کا نہیں بلکہ قومی مارچ ہے اور اس میں شرکت ہر فرد کا فرض ہے ۔ انہوں نے کہا کہ مقبوضہ کشمیر میں ہندوستانی افواج کا ظلم دن بدن بڑھ رہا ہے اور انسانی حقوق کی خلاف ورزیاں خطر ناک حد تک پہنچ چکی ہیں اور اس کے ساتھ ساتھ ہندوستان کی افواج نے کنٹرول لائن پر بلا اشتعال فائرنگ کا سلسلہ شروع کر رکھا ہے جس سے کئی افراد شہید اور زخمی ہو چکے ہیں ۔ انہوں نے خبر دار کیا کہ بھارت اپنے ناپاک عزائم سے باز رہے ، انہوں نے کہا کہ وہ بریڈ فورڈ کے بعد لیسٹر ، اولڈہم اور لندن سمیت دیگر شہروں میں جا کر کشمیر ملین مارچ کیلئے بھر پور کمپین کرینگے ۔ چوہدری محمد مالک نے کہا کہ بیرسٹر سلطان محمود برطانیہ بھر میں کئی شہروں کا دورہ کر چکے ہیں اور ویک اینڈ پر لنکاشائر اور یاکشائر پہنچیں گے جہاں وہ ہر ٹائون میں ہائوس میٹنگ کرینگے ۔ انہوں نے کہا کہ ملین مارچ کی تاریخ قریب آنے کے ساتھ ساتھ لوگوں میں جوش و خروش بڑھ رہا ہے اور ہر شہر سے کوچوں کے ذریعے لوگ جوق در جوق لندن پہنچیں گے اور ڈائوننگ سٹریٹ کے باہر ایک تاریخ ساز مارچ اور مظاہرہ ہو گا اور اس کے مسئلہ کشمیر پر دور رس اثرات مرتب ہونگے اس موقع پر عمر کاشف اور شاہ روز ریاض بھی موجود تھے ۔ بیورو رپورٹ:فیاض بشیر