مقبول خبریں
نیلی مسجد یو کے اسلامک مشن کیلئے فنڈزریزنگ اپیل پر ڈنر کا اہتمام ،مئیر کونسلرمحمد زمان کی شرکت
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
مسلم خواتین حصول علم کیلئے محنت کریں تاکہ معاشرےمیں پاکیزہ روشنی کا احیاء ہو:سلفیہ سسٹرز
ہیلی فیکس... مسلمان کے اعمال میں تحصیل علم وہ عمل ہے جس سے دنیا میں بھی روشنی پھیلتی ہے اور مرنے کے بعد بھی انسان کیلئے صدقہ جاریہ بن جاتا ہے، مسلمان خواتین علم دین کے حصول کیلئے محنت کریں تاکہ معاشرے میں ایک پاکیزہ روشنی کا احیاء ہو اور آئندہ نسلیں علم وعمل سے شناساہوں، ان خیالات کااظہار سلفیہ سسٹرز ہیلی فیکس کے زیر اہتمام جامع مسجد اہلحدیث میں منعقد ہونے والے خواتین کانفرنس سے خواتین عالمات نے خطاب کرتے ہوئے کیا، کانفرنس کا آغاز ارم کی تلاوت قرآن پاک سے ہوا، ممتاز عالمہ عائشہ ثاقب نے خطاب کرتے ہوئے کہا کہ مسلمان خواتین قرآن حکیم سے اپنا تعلق مضبوط کریں کیونکہ یہی مسلمان کیلئے دستور اور زندگی گزارنے کا طریقہ سکھاتا ہے۔ طیبہ شفیق نے دعا کے موضوع پر خطاب کرتے ہوئے کہا کہ مسلمان کو ہمیشہ دعا کے ہتھیار کے ذریعے اللہ تعالی سے رابطہ رکھنا چاہیے کیونکہ خالق کائنات کو پکارنے کیلئے کسی وقت، حالات کی ضرورت نہیں ہے۔ محترمہ رفعت نے نماز کی اہمیت کو اجاگر کرتے ہوئے کہا کہ اسلام میں تمام فرائض کا حکم زمین پر آیا لیکن نماز کے فرض کا تحفہ رب العزت نے اپنے محبوب کو آسمانوں پربلاکر دیا، طیبہ قاسم نے اپنے خطاب میں کہا کہ اسلام نے عورت کے مقام کو اتنا بلند کردیا ہے کہ وہ ماں، بیوی اور بیٹی کے مقدس روپ میں پورے حقوق وفرائض کے ساتھ اپنا مقام رکھتی ہے۔ رضوانہ برکت، آمنہ ، عائشہ احمد ندوی، محترمہ عبیرہ، ام حسن مدنی گلاسگو، شفیقہ مسعود، زری ثاقب ، عابدہ مسعود نے بھی کانفرنس سے خطاب کیا۔