مقبول خبریں
آشٹن گروپ کی جانب سے پوٹھواری شعر و شاعری کی محفل،شعرا نے خوب داد وصول کی
مشتاق لاشاری سی بی ای کا پورٹریٹ کونسل ہال میں لگا نے کی تقریب، بیگم صنم بھٹو نے نقاب کشائی کی
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
مانچسٹرمیں عیدمذہبی جوش و جذبےسےمنائی گئی،یکجہتی کےفروغ کیلئے تعاون کی اپیل
مانچسٹر... برطانیہ کے دوسرے شہروں کی طرح گریٹر مانچسٹر میں بھی عید الفطر انتہائی عقیدت و احترام اور مذہبی جوش و جذبے سے منائی گئی ، راچڈیل ، بری ، اولڈہم ، آشٹن ، وگن کی مرکزی مساجد میں عیدین کے اجتماعات دو الگ الگ دنوں میں منعقد ہوئے پہلی عید جمعرات کو ادا کی گئی جبکہ دوسری جمعۃالمبارک کو منائی گئی ، جمعۃ المبارک مانچسٹر میں عید کا سب سے بڑا اجتماع رکٹوریہ پارک مسجد میں ہوا جہاں ایک وقت میں تین سے چار ہزار افراد نماز ادا کرتے ہیں ، وقفے وقفے سے عید کی چار نمازیں ادا کی گئیں ، نماز عید میں مسجد میں خطیب امام محمد عاصم ، قاری جاوید اختر ، مولانا عبداللہ اور دیگر علماء نے خطبے پڑھے اور تقاریر میں عالم اسلام کے اتحاد ، امت مسلمہ کو درپیش مشکلات کے خاتمے اور خاص طور پر پاکستان ، کشمیر اور پوری دنیا کے مسلماوں کی ترقی خوشحالی اور استحکام کیلئے دعائیں مانگی گئیں ، پاکستانی سفارت کاروں میں قونصل جنرل مانچسٹر احسان اللہ باٹھ اور ویلفیئر اتاشی ساجد محمود قاضی نے جمعرات کے روز اٹریگام کے اسلامک سینٹر میں نماز عید ادا کی عید کا دوسرا بڑا اجتماع مکہ مسجد بولٹن میں منعقد ہوا وہاں بھی رش کے زیادہ ہونے سے عید کی دو جماعتوں کا بندوبست کیا گیا ، مکہ مسجد کے خطیب علامہ نظام الدین مصباحی نے اپنے خطاب میں کہا کہ عید الفطر اللہ تعالیٰ کا ایک عطیہ ہے ، عید کے موقع پر مسلمانوں کو اپنے غریب اور بے سہارا بہن بھائیوں کو یاد رکھنا چاہئے ، مکہ مسجد کے علاوہ نیو مدینہ مسجد ، خضریٰ مسجد ، غوثیہ مسجد ، نور الاسلام مسجد ، جامعہ علومیہ اور اہل تشیع سنٹر میں بھی نماز عید ادا کی گئی جمعۃ المبارک کو عید منانے والوں میں ورلڈ چیمپئن باکسر عامر خان نے نیو مدینہ مسجد میں نماز عید ادا کی اور مسلمانوں کو عید کی مبارکباد پیش کی انہوں نے اس موقع پر اپنے اپنے پیغام میں کہا کہ مسلمانوں سے التماس ہے کہ وہ آئندہ برطانیہ میں عیدین کے مسئلے پر اتحاد و یکجہتی کے فروغ کیلئے تعاون فرمائیں اور ایک دن عید کو یقینی بنائیں..