مقبول خبریں
اولڈہم کے نوجوانوں کی طرف سے روح پرور محفل، پیر ابو احمد مقصود مدنی کی خصوصی شرکت
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
مسئلہ کشمیر کے حل تک امن و سلامتی کی ضمانت نہیں دی جا سکتی،میر واعظ
سرینگر :مقبوضہ کشمیر میں کل جماعتی حریت کانفرنس کے چیئرمین میرواعظ عمر فاروق نے کہا ہے کہ مسئلہ کشمیر حل نہ ہونے کی وجہ سے کشمیری عوام بے انتہا مصائب اور مشکلات سے دوچار ہیں ۔ جب تک تنازع کشمیر کو کشمیری عوام کی خواہشات اور امنگوں کے مطابق حل نہیں کیا جاتا خطے میں امن و سلامتی اور تعمیر و ترقی کی ضمانت نہیں دی جا سکتی۔ سرینگر میں عوامی اجتماع سے خطاب کے دوران کشمیر سے فوجی انخلا اور کالے قوانین کی منسوخی کا مطالبہ دہراتے ہوئے انہوں نے کہا کہ مقبوضہ علاقے میں بھارتی فوجیوں کی موجودگی تک بے گناہ کشمیریوں کا قتل اور انسانی حقوق کی بدترین پامالیوں کا سلسلہ جاری رہے گا۔ میرواعظ نے کہا کہ کل جماعتی حریت کانفرنس مسئلہ کشمیر کے پر امن حل پر یقین رکھتی ہے اور وہ اس ضمن میں سیاسی اورسفارتی سطح پر اپنی کوششیں جاری رکھے گی۔ علاوہ ازیں جموں و کشمیر محاذ آزادی کے سر پرست محمد اعظم انقلابی نے کہا ہے کہ کشمیری اپنے پیدائشی حق خود ارادیت کے حصول کی جدوجہد کو منطقی انجام تک پہنچائیں گے ۔ مسئلہ کشمیر کے حل کے بغیر پاکستان اور بھارت کے درمیان دوستی پائیدار بنیادوں پر ہرگز استوار نہیں ہوسکتی۔ اپنے ایک بیان میں انھوں نے کہا کہ مقبوضہ علاقے میں بھارتی فوجیوں کی موجودگی میں کشمیریوںکا قتل عام جاری رہے گا ۔