مقبول خبریں
برطانوی حکومت مسئلہ کشمیر کے حل کے لئے اپنا اثر و رسوخ استعمال کرے:ایم پی جیوڈتھ کمنز
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
فلسطین پر اسرائیلی اور مقبوضہ کشمیر میں بھارتی جارحیت کی پرزور مذمت کرتے ہیں: چوہدری محمد خان
سلاؤ ... فلسطین پر اسرائیلی جارحیت اور مقبوضہ کشمیر میں بھارتی افواج کے مظالم پر دونوں ممالک کی پرزور مذمت کرتے ہیں، دونوں ممالک مسلم کش پالیسی پر عمل پیرا ہیں۔ ان خیالات کا اظہار آل جموں و کشمیر مسلم کانفرنس برطانیہ نے منعقدہ اجلاس سے خطاب کرتے ہوئے ممبر کشمیر کونسل چوہدری محمد خان نے مہمان خصوصی کی حیثیت سے کیا اور کہا کہ اسلامی ممالک سوئے ہوتے ہیں اور دونوں ممالک نے مظلوموں پر مظالم کے پہاڑ ڈھائے ہوئے ہیں، انہوں نے 13 جولائی کے شہدائے کشمیر کو خراج عقیدت پیش کرتے ہوئے کہا کہ ہمیں ان کے نقش قدم پر چلتے ہوئے تحریک آزادی کشمیر کو کامیاب کروانا ہے۔ صدر مسلم کانفرنس چوہدری محمد بشیر رٹوی نے کہا مسلم کانفرنس اپنے قائدین چوہدری غلام عباس مرحوم ومغفور مجاہد اور سردار محمد عبدالقیوم خان کے راستے پر چل کرہی ریاست جموں و کشمیر کی آزادی کو کامیاب بنایا جاسکتا ہے۔ جنرل سکریٹری کونسلر ریاض بٹ نے اسرائیل اور بھارت کے خلاف قرار داد پیش کی جس کو متفقہ طور پر منظور کرلیا گیا ہے۔ چیف آرگنائزر راجہ اسحق خان نے کہا کہ ہمیں متحد ہوکر آگے بڑھنا چاہیے بدقسمتی سے کشمیری بکھرے ہوئے ہیں اور ہماری اسی کمزوری سے بھارت اور اسرائیل مسلمانوں کو گاجر مولی کی طرح کاٹ رہا ہے۔ راجہ الیاس خان نے کہا ہمیں اپنی صفحوں کو ٹھیک کرنا ہوگا۔ محمد جمیل تبسم نے کہا مسلم کانفرنس ہی کشمیریوں کی نمائندہ جماعت ہے۔ کونسلر محمد فاضل ضیا نے کہا کہ مضبوط اور مربوط مسلم کانفرنس ہی کشمیریوں کے مفادات کا تحفظ کرسکتی ہے۔تقریب سے آزاد نکیالوی، غلام رسول، سابق جنرل سکریٹری راجہ ذاکر کیانی، راجہ مجید کیانی، سابق میئر کونسلر اصغر علی، اور دیگر نے بھی خطاب کیا۔ صدر مسلم کانفرنس ہائی ویکمب قربان بھٹی، صدر آلڈرشارٹ فاروق چوہدری، امجد عباسی سردار شکیل ایڈووکیٹ راجہ سرور داد خان، جب کہ سید کرامت حسین شاہ اور سید اکرام حسین شاہ نے بھی شہدا ئے کشمیر کو عقیدت پیش کرنے کے لیے خصوصی طور پر شرکت اور شہدائے کے درجات میں بلندی کی دعا کی۔ صدرات صدر برانچ راجہ محمد فاروق ایڈووکیٹ نے کی۔