مقبول خبریں
پاکستانی کمیونٹی سنٹر اولڈہم میں کپتان محمد منیر میموریل والی بال ٹورنامنٹ کا انعقاد،مانچسٹر کی جیت
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
جس لڑکی نے خواب دکھائے وہ لڑکی نابینا تھی!!!!
پکچرگیلری
Advertisement
شام جا کر لڑنے کے بجائے وہاں ہونے والی جنگ کے متاثرین کی مدد کی جائے‘ علمائے کرام
برمنگھم ... رمضان کے مبارک مہینے میں جب مسلمان خیرات اور صدقات کیلئے اپنے خزانوں کے منہ کھول دیتے ہیں اور دنیا بھر کے غریبوں مسکینوں مجبوروں اور لاچاروں کی امداد پر آمادہ ہو جاتے ہیں تو خیراتی کاموں میں جتی چیریٹیز بھرپور طریقے سے اپنے اپنے امدادی کاموں کی تشہیر اور زیادہ سے زیادہ امداد اکٹھی کرنے پر کمر کس لیتی ہیں۔ برطانیہ میں جہاں شام جیسے آفت زدہ ملک میں جانے کو ہی جرم سا تصور کیا جانے لگا ہے اسکے لئے امداد مانگنا بھی کئی چیریٹیز کیلئے مشکل ہے۔ جبکہ ایسے میں علما کا کہنا ہے کہ وہاں جا کر لڑنا تو ٹھیک نہیں مگر وہاں کے بے سہارا اور مجبور افراد کی مدد کرنا واجب ہے۔ مناب کے سابقہ عہدیدار اور جامع مسجد لیسٹر کے امام شاہد رضا نے برطانوی مسلمانوں سے اپیل کی ہے کہ وہ رمضان میں شام اور عراق کے مہاجرین کے لیے دل کھول کر امداد دیں، لیکن خود وہاں جانے سے گریز کریں۔ ریڈیو کے پروگرام میں گفتگو کرتے ہوئے انہوں نے کہا کہ عراق اور شام کی صورت حال انتہائی سنگین ہے اور وہاں کے مہاجرین امداد کے منتظر ہیں۔ لیکن وہاں جانا خود کو خطرے سے دوچار کرنے کے مترادف ہے اور قرآن کا بھی کہنا ہے کہ خود کو خطرے میں نہ ڈالو۔ دریں اثناء برطانیہ کے 140 اماموں نے بھی ایک خط میں مسلمانوں سے اپیل کی ہے وہ شام اور عراق جانے سے گریز کریں، جبکہ ریلیف واک کے تحقیق الرحمن نے کہا ہے کہ اگر ہم امداد لے کر متاثرہ علاقوں میں نہیں جائیں گے تو کون جائے گا۔ لیکن لوگوں کو خود وہاں جانے کا فیصلہ نہیں کرنا چاہیے۔ بلکہ کسی مضبوط ڈھانچے والی تنظیم کے تحت امدادی سرگرمیوں میں حصہ لینا چاہیے۔ انہوں نے بھی نوجوانوں سے اپیل کی کہ وہ لڑائی کی غرض سے شام یا عراق جانے سے گریز کریں۔ برمنگھم کے کینن ہل پارک میں ایک چیریٹی کی جانب سے واک کا اہتمام کیا گیا جس کا مقصد مسلم امہ کی توجہ شام کے مفلوک الحال، بھوک سے بلکتے اور زخموں سے چور افراد کی امداد جمع کرنا تھا۔ اس واک میں بچوں، جوانوں، خواتین اور بوڑھوں سبھی نے حصہ لیا اور روزہ کی حالت میں ہوتے ہوئے پانچ میل کا سفر طے . واک کا اہتمام معروف چیریٹی مسلم ہینڈز نے کیا تھا جس کا کہنا تھا کہ انسانیت کا تعلق کسی رنگ نسل اور مذہب سے نہیں انسان جہاں بھی مشکل کا شکار ہوگا انکی چیریٹی مدد کو ضرور آگے بڑھے گی۔