مقبول خبریں
جموں کشمیر نیشنل عوامی پارٹی برطانیہ برانچ کے زیرِ اہتمام فکر مقبول بٹ شہید ورکز یونیٹی کنونشن کا انعقاد
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
نریندر مودی کل سرینگر کا دورہ کرینگے،مقبوضہ وادی میں مکمل ہڑتال کا اعلان
سرینگر :مقبوضہ کشمیرمیں جمعہ کو بھارتی وزیر اعظم نریندر مودی کے مقبوضہ علاقے کے دورے کے موقع پر مکمل ہڑتال ہوگی ۔اس روز سرینگر سمیت وادی کے دیگر مقامات پر تمام کاروباری مراکز ، تعلیمی ادارے بندرہیں گے جبکہ ٹریفک بھی معطل ہوگی ۔ کشمیر میڈیاسروس کے مطابق ہڑتال کی کال بزرگ حریت رہنما سید علی گیلانی ،کل جماعتی حریت کانفرنس کے چیئرمین میر واعظ عمر فاروق، جموںو کشمیر لبریشن فرنٹ کے چیئرمین محمد یاسین ملک اور سینئر حریت رہنما شبیر احمد شاہ نے دی ہے ۔ سید علی گیلانی نے سرینگر میں جاری ایک بیان میں کہاکہ بھارتی قابض انتظامیہ اسرائیل کی طرز پر پنڈتوں کیلئے الگ شہر بسا کر کشمیریوں کو فرقہ وارانہ بنیادوں پر تقسیم کررہی ہے ۔ انہوں نے کہاکہ ہڑتال کے ذریعے ہم نریندرمودی کو پیغام دینا چاہتے ہیں کہ ان کے خطرناک عزائم کیخلاف جموں وکشمیر میں بھرپور ردّعمل سامنے آئیگا ۔حریت چیئرمین میر واعظ نے کہا کہ کشمیری عوام اس روز مکمل ہڑتال کرکے بھارت اور پوری عالمی برادری پر واضح کردیں کہ جس عظیم نصب العین کیلئے کشمیری قوم نے بے مثال قربانیاں پیش کی ہیں ان کو اقتصادی یا معاشی پیکجز کے اعلان کے عوض قربان نہیں کیا جاسکتا ۔انہوں نے کہاکہ بھارتی وزیر اعظم کے دورے کے کچھ اقتصادی محرکات ہوں گے مگر مسئلہ کشمیر کوئی اقتصادی یا معاشی مسئلہ نہیں بلکہ ایک سیاسی اور انسانی مسئلہ ہے۔میرواعظ نے کہاکہ بھارت نے کشمیر کوعملاً ایک فوجی سٹیٹ میں تبدیل کر رکھا ہے محمد یاسین ملک نے کہا کہ بھارتی وزیر اعظم سربراہ حکومت کی حیثیت سے کشمیریوں پر مظالم ڈھانے اورانکے حق آزادی کوسلب کرنے کے براہ راست ذمہ دار ہیں۔انہوں نے کہاکہ مقبوضہ کشمیر میں بھارتی وزیر اعظم کے دورے کے موقع پر ہمیشہ احتجاج کیا جاتاہے اور اسی روایت کوبرقرار رکھتے ہوئے جمعہ کو بھی مکمل احتجاجی ہڑتال کی جائے گی ۔