مقبول خبریں
کاروباری شخصیات سید اسد علی ،احمد رضا کی مئیر کونسلر محمد زمان سے ملاقات،مختلف امور پر تبادلہ خیال
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
کشمیر چھوڑو تحریک،مقبوضہ وادی میں ہڑتال،یاسین ملک ساتھیوں سمیت گرفتار
میرپور ،سرینگر :مقبوضہ کشمیر میں پیر کے روز جے کے ایل ایف کی کشمیر چھوڑ دو تحریک کے سلسلے میں مکمل ہڑتال رہی تاہم کٹھ پتلی انتظامیہ نے حریت کارکنوں کو مارچ کی اجازت نہ دیتے ہوئے سرینگر کے لال چوک کی جانب جانے والے تمام راستوں کو خار دارتاریں لگا کر سیل کر دیا ۔اس موقع پر تمام کاروباری مراکز، تعلیمی ادارے اور دفاتر بند رہے ۔ سڑکوں پر ٹریفک کا نظام بھی مفلوج رہا۔ سرینگر شہر میں ہو کا عالم تھا۔ کٹھ پتلی انتظامیہ نے لا ل چوک کے پولیس سٹیشنوں اور ارد گر د کے علاقوں میں عوام کی نقل و حرکت پر مکمل پابندی عائد کررکھی تھی ۔ جبکہ جموں و کشمیر حریت کانفرنس کے رہنما شبیر احمد شاہ ، محمد یاسین عطائی کو ساتھیوںسمیت بھارتی قابض فوج نے گرفتار کرلیا، ان کی گرفتاری کے خلاف لوگوں نے مظاہرے ، پولیس نے مظاہرین پر شدید لاٹھی چارج کیا ،آنسو گیس کا استعمال اور ہوائی فائرنگ کی۔ دریں اثناء کل جماعتی حریت کانفرنس کے رہنمائوں ظفر اکبر بٹ اور جاوید احمد میر نے ریلی کی قیادت کرتے ہوئے عالمی برادری پر زوردیا کہ وہ مسئلہ کشمیر کے حل کیلئے کردار ادا کرے ۔ ادھر آزاد کشمیر کے مختلف علاقوں میں بھی ‘‘کشمیر چھوڑ دو’’ تحریک کی حمایت کرتے ہوئے لبریشن فرنٹ سے اظہار یکجہتی کیلئے احتجاجی ر یلیاں نکالی گئیں اور دھر نے دیئے گئے ۔ میر پور میں ریلی کی قیادت نو منتخب سینئر وائس چیئرمین عبدالحمید بٹ ، مرکزی رہنما صابر انصاری نے کی۔ مقررین نے خطاب کرتے ہوئے کہا کہ بھارت کی حکمران جماعت بی جے پی جو تقسیم کشمیر کی نئی سازش تیار کر رہی ہے اس کو ناکام بنانے کیلئے کشمیرچھوڑ دو تحریک وقت کی اشد ضرورت ہے ، ہم آزادی کی تحریک جاری رکھیں گے۔