مقبول خبریں
نیلی مسجد یو کے اسلامک مشن کیلئے فنڈزریزنگ اپیل پر ڈنر کا اہتمام ،مئیر کونسلرمحمد زمان کی شرکت
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
انڈین کشمیر،بھارتی فوجیوں کے ہاتھوں دو نوجوان شہید،شہری مشتعل،پتھرائو،کرفیو نافذ
سرینگر: مقبوضہ کشمیر میں بھارتی فوجیوں نے ریاستی دہشت گردی کی تازہ کارروائی کے دوران ضلع پلوامہ میں دو نوجوانوں کو شہید کردیا ہے ۔ کشمیر میڈیا سروس کے مطابق فوجیوں نے ان نوجوانوں کو ضلع کے علاقے ریشی پورہ کاکا پورہ میں تلاشی اور محاصرے کی ایک کارروائی کے دوران شہید کیا ۔کارروائی میں بھارتی پولیس اور 50راشٹریہ رائفلز کے اہلکاروں نے حصہ لیا ۔ فوجیوں کے ہاتھوں نوجوانوں کے قتل کے بعد کاکا پورہ اور ریشی پورہ میں کئی مقامات پر لوگوں نے بھارتی فوجیوں پر پتھرائو کیا جس کے جواب میں فوجیوں نے لوگوں کو منشتر کرنے کیلئے فضاء میں گولیاں چلائیں۔بعدازاں فوجیوں نے کاکا پورہ قصبے میں کرفیو نافذ کر کے علاقے میں فوجیوں کی بڑی تعداد تعینات کردی ۔ کل جماعتی حریت کانفرنس کے رہنماء اور جموںو کشمیر سالویشن موومنٹ کے چیئرمین ظفر اکبر بٹ شہید کئے گئے کشمیری نوجوا نوں کو خراج عقیدت پیش کرنے کیلئے ضلع پلوامہ گئے ۔ کشمیر میڈیا سروس کے مطابق ظفر اکبر بٹ نے اس موقع پر جدوجہد آزادی کشمیر کو ا س کے منطقی انجام تک پہنچانے اوراس سلسلے میں کسی بھی قربانی سے دریغ نہ کرنے کے کشمیریوں کے عزم کا اعادہ کیا۔ انہوں نے مزار شہداء تک ایک جلوس کی بھی قیادت کی جس میں خواتین اور بچوں سمیت ہزاروں لوگو ں نے شرکت کی اور نوجوانوں نے آزادی کے حق میں نعرے بلند کئے ۔ حریت رہنماء سوگوار خاندان سے بھی ملے ان کے ساتھ اظہار ہمدردی کیا۔