مقبول خبریں
ڈیبی ابراھم کیساتھ ناروا سلوک سے بھارت کا نام نہاد جمہوری چہرہ بے نقاب
مہنگائی کی ذمے دار عمران خان حکومت ہے ،شہباز شریف
دعوت اسلامی برمنگھم کے زیر اہتمام خراب موسم کے باوجودجشن عید میلاد النبیؐ کا جلوس
برطانوی شاہی جوڑے کی پاکستان میں زبردست پذیرائی، وزیر اعظم اور صدر مملکت سے ملاقاتیں
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
اسرار احمد راجہ کی کتاب کی تقریب رونمائی ،مئیر آف لوٹن کونسلر طاہر ملک ودیگرافراد کی شرکت
پارک ویو کمیونٹی سنٹر شہیر واٹر میں ہمنوا یو کے کے زیرِ اہتمام یوم آزادی پاکستان تقریب کا انعقاد
راجہ نجابت حسین کی ڈیبی ابراھام کے ہندوستان میں داخلے پر پابندی کی شدید مذمت
آتش فشاں
پکچرگیلری
Advertisement
سانحہ ٹوپیاں کے 5سال مکمل،جنوبی کشمیر میں ہڑتال،مظاہرے
سرینگر : سانحہ شوپیا ں کے 5سال مکمل ہونے پر جمعہ کو جنوبی کشمیر میں عام ہڑتال سے کاروبار زندگی معطل ہو کر رہ گیا ۔ کئی مقامات پر جلسے جلوس اور مظاہرے کئے گئے ۔ علی گیلانی نے ہڑتال کی کال دی تھی شوپیا ں میں نیلوفر اور آسیہ کے رشتہ داروں نے نالہ رمبی آراکے نزدیک خاموش احتجاجی دھرنا دیا جبکہ طلباء و طالبات نے احتجاجی مظاہرے کئے ، بھارتی فوجیوں کی بربریت کا نشانہ بننے والی لڑکیوں کے ایصال ثواب کیلئے دعائیہ تقریبات بھی منعقد کی گئیں ، عوام نے مطالبہ کیا کہ بے گناہ لڑکیوں کو شہید کرنے والے ملزمان کو سخت سزادی جائے ، ادھر ایک عرب ٹی وی کو انٹرویو دیتے ہوئے میر واعظ عمر فاروق نے کہا کہ آرٹیکل370 نان ایشو ہے ، کشمیر کامسئلہ اس قسم کے قانون سے نہیں صرف اقوام متحدہ کی قراردادوں پر عملدرآمد سے حل ہو سکتا ہے ۔ انہوں نے کہا کہ370 صرف کاغذی قانون ہے ، عملی طور پر کشمیر ایک فوجی اور پولیس سٹیٹ ہے ۔ جسے فوجی وردی میں ملبوس لوگ چلاتے ہیں۔ کشمیرعوام کے مستقبل کا مسئلہ ہے ۔ پاک بھارت وزرائے اعظم کی ملاقات کا خیر مقدم کرتے ہوئے انہوں نے کہا کہ یہ کشمیری عوام کے مفاد میں ہے ۔ جب تک دونوں ملک قریب نہیں آئیں گے ، کشمیر کا مسئلہ حل نہیں ہوسکتا۔ انہوں نے کہا کہ کانگریس نے اس معاملے پر ہمیشہ روایتی سوچ کا مظاہرہ کیا۔ تاریخ نے بھارتی حکومت کو ہمیشہ کے لئے کشمیر کا مسئلہ حل کرنے کا موقع فراہم کیا ہے ۔ سیدعلی گیلانی نے کہاہے کہ بھارت کی سازشوں کا ڈٹ کر مقابلہ کیا جائیگا، اپنے بیان میں انہوں نے کہا کہ کشمیر باقاعدہ طور پر بھارت کی ر یاست نہیں بلکہ ایک متنازعہ علاقہ ہے جس کے مستقبل کا فیصلہ ہونا ابھی باقی ہے ۔بھارت نے کشمیر یوں کو حق خود ارادیت دینے کا وعدہ کیا تھا لیکن اپنے اس دعدے کو پورا کرنے کے بجائے اس نے کشمیریوں کی تحریک آزادی کو دبانے کیلئے فوجی طاقت کا سہارا لیا۔ انہوں نے کہا کہ مقبوضہ علاقے کی بھارت نواز جماعتوں کو محض اپنے اقتدار سے غرض ہے دفعہ 370 کے معاملے پر انکا واویلا محض ایک دکھاوا ہے ۔