مقبول خبریں
راچڈیل مساجد کونسل کی طرف سے مئیر کونسلر محمد زمان کی مئیر چیرٹیز کیلئے فنڈ ریزنگ ڈنر کا اہتمام
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
ضلع بڈگام میں دھماکے سے بچی کی ہلاکت کے خلاف طلبہ کی ہڑتال اور دھرنا
سرینگر ... مقبوضہ کشمیر میں ضلع بڈگام کے علاقے میں قائم بھارتی فوج کی تربیتی مشن گاہ توسہ میدان کے ملحقہ گائوں پرے پورہ درنگ میں دھماکے میں لڑکی کے جاں بحق ہونے پر مکمل ہڑتال کی گئی۔ تمام تعلیمی اداروں میں طلبا ء نے کلاسوں کا بائیکاٹ کرکے احتجاجی ریلی نکالی ۔کشمیرمیڈیاسروس کے مطابق تحصیل ہیڈکوارٹر زکھاگ اور درنگ کے علاقے میں ہڑتال کے باعث تمام کاروباری سرگرمیاں ٹھپ رہیں ، طلباء نے قابض انتظامیہ کی عوام دشمن پالیسیوں اور بھارت کے خلاف شدید نعرے بازی کی۔بعد ازاں کئی گھنٹے تک دھرنا دیا گیا ۔ لوگوں نے مطالبہ کیا کہ قابض انتظامیہ توسہ میدان لیز معاہدہ باقاعدہ طور پر ختم کرنے کا نوٹیفکیشن جاری کرے ۔ دریں اثنا ء مقبوضہ کشمیرمیں آزادی پسند اور بھارت نواز جماعتوں نے نومنتخب بھارتی وزیر اعظم نریندر مودی کی طرف سے وزیر اعظم پاکستان محمد نواز شریف کو اپنی حلف برداری کی تقریب میں شرکت کی دعوت پر محتاط ردعمل کا اظہار کیا ہے ۔کشمیر میڈیاسروس کے مطابق کل جماعتی حریت کانفرنس کے چیئرمین میر واعظ عمر فاروق نے امید ظاہر کی ہے کہ یہ اقدام دونوں ملکوں کے درمیان کشمیر سمیت تمام مسائل کے حل کیلئے ایک بامعنی مذاکراتی عمل کے آغاز کا باعث بنے گا۔بزرگ حریت رہنماسید علی گیلانی نے کہا کہ بھارت میں حکومت کی تبدیلی کشمیریوں کے لیے کوئی معنی نہیں رکھتی کیونکہ بھارتیہ جنتا پارٹی ہو یا کانگریس ، دونوں ایک ہی سکے کے دو رخ ہیں۔ مقبوضہ علاقے کے کٹھ پتلی وزیراعلیٰ عمرعبداﷲ اورپیپلز ڈیموکریٹک پارٹی کی صدر محبوبہ مفتی نے امید ظاہر کی ہے کہ دونوں ملک مذاکراتی عمل کو پایہ تکمیل تک پہنچائیں گے ۔