مقبول خبریں
روٹری کلب کے راہنما ڈاکٹر سہیل قریشی کے اعزاز میں سماجی کمیونٹی شخصیت چوہدری محمود کا استقبالیہ
پاکستان سے آئے وکلا کے اعزاز میں ورلڈ وائیڈ سالیسٹرز کے ڈائیریکٹر محمد اشفاق کا استقبالیہ
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجابت حسین کا کنزرویٹو پارٹی لیڈر شپ کیلئے وزیرخارجہ جیریمی ہنٹ کی حمایت کا اعلان
بے نظیر بھٹو: چراغ بجھ گیا لیکن روشنی زندہ ہے
پکچرگیلری
Advertisement
عوام صبر سے کام لیں،توانائی بحران پر قابو پانے میں وقت لگے گا،چوہدری عبدالمجید
مظفرآباد...وزیراعظم چوہدری عبدالمجید نے کہاہے کہ بجلی بحران پر قابو پانے میں وقت لگے گا،عوام صبر سے کام لیں ،مسائل حل کرنے میں واپڈا اور وزارت پانی وبجلی کے حکام بھرپور تعاون کررہے ہیں ،کوئلے سے بجلی پیدا کرنے کا منصوبہ بھی زیر غور ہے ۔وہ ہفتہ کے روز بیلہ نورشاہ میں نئے گر ڈسٹیشن کے معائنہ کے موقع پر صحافیوں سے گفتگو کررہے تھے ۔اس موقع پر وزیر خزانہ ومنصوبہ بندی چوہدری لطیف اکبر ،وزیراعظم کے مشیر مبشر اعجازبھی موجود تھے ۔سیکرٹری برقیات منیر قریشی نے وزیراعظم کو بتایا کہ نئے گرڈ سٹیشن کی عمارت تیار ہے جبکہ ٹرانسفارمر زسمیت دیگر مشینری پہنچ چکی ہے ۔یہ جون کے پہلے ہفتے میں آپریشنل ہوجائے گا۔اس گرڈسے مظفرآباد شہر کو بجلی سپلائی ہوگی۔اس موقع پر وزیراعظم نے ہدایت کی کہ یہ کام 3جون تک مکمل کیا جائے کام کی رفتار تیز کریں تاکہ عوام کو ریلیف ملے ۔وزیراعظم نے کہا کہ مظفرآباد شہر میں سٹر یٹ لا ئٹس کو سولر انرجی پر لانے کے لئے منصوبہ تیار کریں پہلے مظفرآباد شہر میں یہ تجربہ کریں اوراس کے بعد سارے آزادکشمیر کے شہروں میں سٹریٹ لا ئٹس کو سولر انرجی پر لائیں۔ وزیراعظم نے کہا کہ یہ کام مرحلہ وار کریں ۔ملکی سطح پر بجلی کا بحران ختم ہونے میں وقت لگے گا تاہم ہماری پوری کوشش ہے کہ واپڈا سے آزادکشمیر کے لئے بجلی کا کوٹہ مختص کرایا جائے ،نئے ٹرانسفارمر ز اور نئی سولرسٹریٹ لا ئٹس کے علاوہ گرڈ سٹیشنز اپ گریڈ کئے جائیں تاکہ کم سے کم لوڈ شیڈنگ ہو۔وزیراعظم نے سیکرٹری برقیات کو ہدایت کی کہ عوام کو زیادہ سے زیادہ ریلیف دیں ۔تاجر وں کو کاروبار کے لئے بجلی فراہمی کا شیڈول دیں تاکہ بجلی کی بچت ہو۔انہوں نے کہا کہ 26مئی کو چیئرمین واپڈا ظفر محمودنوسیری کا دورہ کرینگے جہاں سکول ،ڈسپنسری اور ووکیشنل ٹریننگ سنٹر کا سنگ بنیاد رکھنے کے ساتھ سڑک کا افتتاح کرینگے ، وزیراعظم نے سماہنی گرڈ سٹیشن کا کام بھی فوری مکمل کرنے کی ہدایت کی۔