مقبول خبریں
اولڈہم ہوپ ووڈ ہاؤس ہیلتھ سنٹر میں خواتین کو آگاہی دینے کیلئے لیڈی ہیلتھ ڈے کا اہتمام
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
تحریک کشمیر ڈنمارک کے زیر اہتمام کوپن ہیگن میں اظہار یکجہتی کشمیر کانفرنس کا انعقاد
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
انڈین کشمیر،مزید2نوجوان شہید،حریت کانفرنس نے احتجاجی شیڈول جاری کر دیا
سری نگر...مقبوضہ کشمیر میں بھارتی فوجیوں نے ریاستی دہشت گردی کی تازہ کارروائی کے دوران ضلع پونچھ میں دو کشمیری نوجوان شہید کر د یئے ۔کشمیر میڈیاسروس کے مطابق فوجیوں نے ان نوجوانوں کو ضلع پونچھ کے علاقے کالسیا میں محاصرے اور تلاشی کی ایک کارروائی کے دوران شہید کیا۔جبکہ کل جماعتی حریت کانفرنس کے چیئرمین میرواعظ عمر فاروق نے احتجاجی شیڈول جاری کرتے ہوئے عوام سے 21مئی کوشہید ملت کی یاد میں مکمل ہڑتال کی اپیل کی ہے ۔ میرواعظ نے کہا ہے کہ 21مئی کو شہدائے کشمیر کی یاد میں پورے جموں کشمیر میں ہمہ گیر ہڑتال رہے گی جبکہ بعد نماز ظہر مزار شہدا ء عیدگاہ سرینگر میں عظیم الشان جلسہ عام کا انعقاد کیا جائے گا ، شیڈول کے مطابق 16 مئی کو صبح دس بجے عوامی مجلس عمل کے مرکزی اورتمام ضلعی دفاتر میں شہدا ء کے ایصال ثواب کے لئے قرآن خوانی سے ان پروگراموں کا آغاز ہوگا ۔17 مئی کو جامع مسجد سرینگر کے احاطے میں عطیہ خون اور مفت طبی کیمپ لگایا جائے گا ۔ 18 مئی کو سیمینار کا انعقاد کیا جائے گا ۔ دیگر پروگراموں کی طرح 21 مئی کو مکمل ہڑتال کی جائے گی۔ ادھر حاجن قصبے میں تقریباً ڈیڑھ ہفتہ قبل غیر قانونی طور پر گرفتار کئے جانے والے کم از کم 17افراد نے اپنی رہائی کے لیے بھوک ہڑتال شروع کر دی ہے ۔ سوپور، بارہمولہ اور بانڈی پورہ میں ہفتہ کے روز بھی ہڑتال کی گئی۔ تینوں قصبوں میں دکانیں ، کاروباری مراکز بند جبکہ سڑکوں پر ٹریفک معطل رہی۔ ہڑتال کی وجہ سے سرکاری دفاتر، تعلیمی اداروں اور بینکوں میں بھی کام متاثر ہوا ۔ لوگوں کے مطابق بھارتی پولیس نے گزشتہ دو ہفتوں کے دوران سوپور، بارہمولہ اور بانڈی پورہ سے سینکڑوں افراد گرفتار کئے ہیں۔ مظاہرین گرفتار افراد کی رہائی کا مطالبہ کر رہے تھے۔