مقبول خبریں
چوہدری سعید عبداللہ ،چوہدری انور،حاجی عبدالغفار کی جانب سے حاجی احسان الحق کے اعزاز میں عشائیہ
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
اسلامک ریلیف کی مدد سے دنیا بھرمیں ان گنت خاندان زندگی سے لطف اندوز ہورہے ہیں: جسٹین گریننگ
برمنگھم ... تین دہائیوں سے زائد عرصے سے خدمت انسانی میں مصروف عمل چیریٹی اسلامک ریلیف نے دنیا بھر میں ریلیف کے کام کر کے اپنی ساکھ بنائی ہے، اسے بلاشبہ برطانیہ میں مسلم کمیونٹی کی ایک ماڈل چیریٹی کے طور پر جانا جا سکتا ہے۔ ان خیالات کا اظہار بین الاقوامی ترقی کی برطانوی وزیر جسٹین گریننگ نے برمنگھم میں واقع اسلامک ریلیف کے بین الاقوامی دفتر کے دورے کے موقع پر کیا۔ اسلامک ریلیف یوکے کےچیف ایگزیکٹو آفیسر ڈاکٹر محمد آشماوی اور ڈائریکٹرجہانگیر ملک نے دیگر سٹاف کے ہمراہ مہمان وزیر کا پرتپاک استقبال کیا۔ برطانوی وزیر برائے ڈیفڈ جسٹین گریننگ نے اس موقع پر مزید کہا کہ اسلامک ریلیف کی مسلسل محنت اور انتھک کاوشوں کی بدولت آج دنیا بھر کے ان گنت خاندان آج تعلیم اور صحت سمیت دنیا کی تمام بنیادی سہولتوں سے لطف اندوز ہورہے ہیں۔ انہوں نے کہا کہ اسلامک ریلیف کے رضاکاروں نے جس طرح اپنے آپ کو مشکل میں ڈال کر دنیا کے کونے کونے میں بے گھر لوگوں کو کھانا، شیلٹر کے علاوہ بنیادی ضروریات، صحت، پھر کیمپوں کے اندر تعلیم جیسی سہولت سے آراستہ کرنے کی کوششیں کیں اس پر وہ خراج تحسین کے بجا مستحق ہیں۔ اس سے قبل جہانگیر ملک نے مہمان وزیر کو چیریٹی کی طرف سے خوش آمدید کہا اور افغانستان و شام سمیت دنیا بھر میں جاری ریلیف ورک کا مختصر احاطہ کیا۔ انہوں نے کہا اسلامک ریلیف نے گزشتہ تیس سال سے زائد عرصے میں دنیا بھر میں مستحق افراد، قدرتی آفات میں متاثرین اور جنگوں کے دوران بے گھرخاندانوں کی مدد کی۔ اس موقع پر سی ای او اسلامک ریلیف ڈاکٹر محمد آشماوی نے کہا کہ1984 میں ایک نو سالہ سکول کے بچے کی 20 پنس ڈونیشن سے شروع ہونے والی اس چیرٹی کی سالانہ آمدنی 100 ملین پونڈ تک پہنچ گئی ہے۔ ہم اپنے رضاکاروں، ڈونرز کو بھی خراج تحسین پیش کرتے ہیں جن کی وجہ سے ہم اس قابل ہوئے کہ دنیا میں غربت کی لیکر سے نیچے زندگی گزارنے والے لاکھوں افراد تک بنیادی سہولتیں پہنچائی ہیں۔ آج خدمت کے تیس سال مکمل ہونے پر کامیابی کا ایک اور سنگ میل عبور ہوگیا ہے۔