مقبول خبریں
دی سنٹر آف ویلبینگ ، ٹریننگ اینڈ کلچر کے زیر اہتمام دماغی امراض سے آگاہی بارے ورکشاپ
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
جس لڑکی نے خواب دکھائے وہ لڑکی نابینا تھی!!!!
پکچرگیلری
Advertisement
پاکستان قونصلیٹ مانچسٹر میں یوم پاکستان کی تقریب تمام سیاسی پارٹیوں کے نمائندوں کی شرکت
مانچسٹر ... برطانیہ کے دیگر شہروں کی طرح مانچسٹر میں بھی یوم پاکستان کی تقریب پورے جوش و خروش سے منائی گئی۔ اہتمام پاکستان قونصلیٹ مانچسٹر نے کیا تھا۔ اس تقریب کی خوبصورتی یہ تھی کی قونصلیٹ نے برطانیہ کی سیاست سے تعلق رکھنے والی تمام سیاسی پارٹیوں کے پاکستانی و کشمیری رہنمائوں کو مدعو کیا تھا جن میں لارڈ میئر مانچسٹر کے علاوہ ٹوری پارٹی کے ممبر یورپی پارلیمنٹ اور فرینڈز آف پاکستان گروپ کے چیئرمین سجاد کریم، سابق لارڈ میئر اور یورپی پارلیمنٹ کے لیبر پارٹی کے امیدوار افضل خان، ڈپٹی میئر ٹریفورڈ ملک عطا، حاجی عبدالغفور اختر، حاجی عبدالغفار، کونسلر رب نواز، کونسلر عابد چوہان، مولانا حبیب الرحمن، چیئرمین کنزرویٹو مانچسٹر محمد افضل، ممتاز سالار چشتی، چوہدری خورشید احمد، پی پی کے گلزار خان، نصر اللہ مغل، ایم پی چیئریمن جی ایم پی اے ہارون افضل کھٹانہ، مسلم لیگ ن نارتھ کے صدر راجہ سجاد حسین اور چوہدری مسرت علی کے علاوہ دیگر شخصیات شامل تھیں۔ قونصل جنرل ڈاکٹر ظہور احمد نے پاکستانی قومی ترانے کے دوران پاکستان کا سبز ہلالی پرچم لہرایا۔ اور صدر پاکستان اور وزیر اعظم پاکستان کا قوم کے نام پیغام پڑھ کر سنایا اور کہا کہ اوورسیز پاکستانی قوم کا سرمایہ ہیں، قونصلر جنرل ڈاکٹر ظہور اور کمیونٹی ویلفئر اتاشی قاضی ساجد محمود نے خطاب کرتے ہوئے کہا کہ آج کا دن ہماری تاریخ میں بڑی اہمیت کا حامل ہے جب نظرئے کی بنیاد پر بانی پاکستان نے اعلان کیا کہ بحیثیت مسلمان ہمیں ایک علیحدہ مملکت کی ضرورت ہے جہاں ہم اپنے نظریات، افکار اور تہذیب و تمدن کے مطابق زندگی بسر کر سکیں، انہوں نے کہا یہ ہماروں لیڈروں کا خلوص اور منزل کو پا لینے کی جستجو کا آغاز تھا جو اگلے سات سال میں مکمل ہوا اور مملکت خدادا پاکستان کا وجود عمل میں آیا۔ اس موقع پر شاعر مشرق علامہ محمد اقبال اور دیگر قومی رہنمائوں کے علاوہ قیام پاکستان کے موقع پر جان کے نزرانے پیش کرنے والوں کو بھی خراج عقیدت پیش کیا گیا۔ (بیورو رپورٹ: فیاض بشیر)