مقبول خبریں
برطانوی حکومت مسئلہ کشمیر کے حل کے لئے اپنا اثر و رسوخ استعمال کرے:ایم پی جیوڈتھ کمنز
کشمیر انسانی حقوق کی پامالیوں کا گڑھ ،اقوام عالم نوٹس لے، بھارت پر دبائو بڑھائے: فاروق حیدر
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
میاں نواز شریف اور عمران خان کی ملاقات صرف پاکستان کے بد خواہوں کو کھٹک رہی ہے
مانچسٹر ... وزیر اعظم پاکستان میاں محمد نواز شریف اور تحریک انصاف کے چیئرمین عمران خان کی ملاقات صرف پاکستان کے بد خواہوں کو کھٹک رہی ہے۔ ہر محفل میں امن اور استحکام کا راگ الاپنے والے نام نہاد لیڈر اصل میں ذاتی مفادات کی تکمیل میں لگے ہیں اس لئے انہیں ایسا کوئی عمل اچھا نہیں لگتا جس سے ملکی بہتری کا آثار پیدا ہوں۔ ان خیالات کا اظہار مسلم لیگ ن برطانیہ کے رہنمائوں نے نارتھ ویسٹ آف انگلیڈ کے صدر راجہ سجاد حسین کی برف سے منعقدہ ایک میٹنگ میں کیا۔ مسلم لیگ ن برطانیہ کے سینئر رہنما اور راچڈیل لا سوسائیٹی کے پہلے مسلمان صدر امجد ملک نے کہا کسی بھی خطے کی ترقی اور استحکام وہاں کے امن سے وابستہ ہوتا ہے، پاکستان کی دو بڑی پارٹیوں کے سربراہان نے خیر سگالی کی ملاقات کر کے اچھا اقدام اٹھایا ہے۔ پاکستان مسلم لیگ ن برطانیہ کے چیئرمین راجہ آفتاب شریف نے کہا کہ ناصرف پاکستانی عوام بلکہ دنیا گواہ ہے کہ تھوڑے ہی عرصے میں موجودہ حکومت نے وہ کام کردکھایا جس کا تصور نہ تھا۔ انہوں نے کہا وزیراعظم پاکستان میاں نوازشریف نے تھر کا دورہ کرکے متاثرین علاقے کے ساتھ ہمدردی، دکھ و درد بانٹتے ہوئے امدادی کارروائیوں کو تیز کرنے کے جو ہنگامی اقدامات کیے ہیں تارکین وطن پاکستانی و کشمیری مصیبت کی اس گھڑی میں ان کے شانہ بشانہ کھڑے ہیں۔ پاکستان مسلم لیگ (ن) نارتھ ویسٹ کے صدر راجہ سجاد حسین نے کہا کہ وزیراعظم میاں محمد نوازشریف نے تھر کے متاثرہ لوگوں کے لیے ایک ارب روپے کے امدادی پیکیج کا اعلان کرکے سندھی عوام کے حقوق کی پاسداری کا منہ بولتا ثبوت پیش کردیا۔ میٹنگ میں (ن) لیگ بولٹن کے صدر راجہ جلیل الرحمن، آزاد کشمیر (ن) لیگ برطانیہ کے نائب صدر راجہ عبدالقیوم، نائب صدر نارتھ ویسٹ فضل حسین، نوجوان رہنما بلاول بٹ، مانچسٹر کے سینئر نائب صدر راجہ عبدالوحید لہڑی ،قمر زمان بھٹی، بلاول بٹ، راجہ شاہنواز خان نے بھی اظہار خیال کیا ۔ (رپورٹ: فیاض بشیر، بیورو چیف)