مقبول خبریں
اولڈہم ہوپ ووڈ ہاؤس ہیلتھ سنٹر میں خواتین کو آگاہی دینے کیلئے لیڈی ہیلتھ ڈے کا اہتمام
بھارتی لابی نے کشمیر کانفرنس کوانے کے لئے اوچھے ہتھکنڈے استعمال کیے: شاہ محمود قریشی
تحریک کشمیر ڈنمارک کے زیر اہتمام کوپن ہیگن میں اظہار یکجہتی کشمیر کانفرنس کا انعقاد
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
میئرآف لوٹن (برطانیہ) نے شاہد حسین سید کو کمیونٹی سروسز پر شیلڈ پیش کی
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
راجہ نجا بت حسین کی صدر آزاد کشمیر سردار مسعود اور وزیر اعظم راجہ فاروق حیدر سے ملاقات
کشمیر‘ جہاں خواب بھی آنسو کی طرح ہیں!!!!!
پکچرگیلری
Advertisement
کشمیری بھائیوں کی اخلاقی، سفارتی و سیاسی حمایت جاری رکھیں گے، وزیراعلیٰ پنجاب کا یوم یکجہتی کشمیر کے موقع پر پیغام
لاہور۔ وزیراعلیٰ پنجاب محمد شہبازشریف نے کہا ہے کہ بہادر کشمیری عوام حق خود ارادیت کے حصول کیلئے جدوجہد کر رہے ہیں۔ ریاستی جبر و تشدد کے ذریعے زیادہ دیر تک کشمیریوں کو ان کے بنیادی حق سے محروم نہیں رکھا جاسکتا۔ پاکستان مسلم لیگ (ن) نے اپنے ہر دور حکومت میں ملکی اور بین الاقوامی فورم پر کشمیر کے مسئلے کو بھرپور طریقے سے اجاگر کیا۔ آئندہ بھی کشمیریوں کے حق کیلئے آواز اٹھاتے رہیں گے اور کشمیری بھائیوں کی ہر سطح پر اخلاقی، سفارتی اور سیاسی حمایت جاری رکھیں گے۔یوم یکجہتی کشمیر کے موقع پر اپنے پیغام میں وزیراعلیٰ محمد شہباز شریف نے کہا کہ پاکستانی عوام نے ہمیشہ مقبوضہ کشمیر میں بھارتی قابض افواج کی ظلم و زیادتی اور انسانی حقوق کی پامالی کے خلاف آواز اٹھائی ہے اور آج بھی یوم یکجہتی کے موقع پر پاکستانی قوم اپنے کشمیری بھائیوں کے ساتھ کھڑی ہے۔ انہوں نے کہا کہ مقبوضہ کشمیر پر بھارت کا غاصبانہ قبضہ اور کشمیریوں کو حق خود ارادیت سے محروم رکھنا ہر لحاظ سے قابل افسوس ہے۔ انہوں نے کہا کہ خطے میں پائیدار امن کیلئے مسئلہ کشمیر کا مذاکرات کے ذریعے حل ناگزیر ہے۔ پاکستان اور بھارت کے تمام تنازعات کے خاتمے کیلئے بھی کشمیر کا مسئلہ کشمیریوں کی امنگوں کے مطابق حل ہونا چاہیئے۔ انہوں نے کہا کہ آج افہام و تفہیم اور ابلاغ کا دور ہے۔ وقت کا تقاضا ہے کہ دونوں ممالک کشمیر کے دیرینہ مسئلہ کو مل بیٹھ کر مذاکرات کے ذریعے کشمیریوں کی منشا کے مطابق حل کریں۔