مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
لیڈز ایسٹ سے رچرڈ برگن لیبر پارٹی کے امیدوار برائے پارلیمنٹ کی ووٹنگ میں فتح یاب
اولڈہم ... لیبر پارٹی ممبران نے آئیندہ انتخابات کیلئے رچرڈ برگن کو اپنا امیدوار چن لیا ہے یوں چند دنوں سے جاری ایک اعصابی جنگ کا بخوبی خاتمہ ہوگیا۔ لیڈز ایسٹ کو لیبر پارٹی کا گڑھ سمجھا جاتا ہے اور یہاں سے پارلیمان کا انتخابی امیدوار بننے کا مطلب ممبر پارلیمان بننا ہی ہوتا ہے، اس علاقے میں کشمیریوں کی ایک بڑی تعداد آباد ہونے کی وجہ سے سابق میئر لیڈز محمد اقبال بھی چار مقابلہ کنندگان میں سے ایک تھے، انہیں اپنی کمیونٹی کی طرف سے لیڈز لیبر پارٹی کے چوہدری مطلوب حسین اور باوا محمد صدیق گروپ کی حمائت حاصل تھی، دیگر امیدواروں میں رچرڈ برگن ، جوڈیتھ کینز اور کیٹ وھائٹ شامل تھے۔ ان میں سے رچرڈ برگن کو لیبر پارٹی سے تین ایشیائی کونسلر اصغر قریشی ، جاوید اقبال اور غلام حسین کی تائید و حمائت حاصل تھی۔ انہوں نے لیبر پارٹی ممبران کے کل 380 ووٹون میں سب سے زیادہ ووٹ حاصل کئے۔ خیال رہے کہ لیڈز ایسٹ پہلے دن سے ہی لیبر پارٹی کے قبضہ میں ہے اور اس کے موجودہ رکن پارلیمنٹ جارج موڈی گزشتہ 23 سال سے اس حلقے کی نمائندگی کررہے ہیں تاہم اب ان کی ریٹائرمنٹ کی وجہ سے نئے امیدوار کا انتخاب کیا گیا ہے۔ کامیابی کے بعد کونسلر اصغر قریشی نے کشمیر لنک سے گفتگو کرتے ہوئے کہا کہ رچرڈ برگن علاقے بھر میں معروف سیاسی و سماجی کارکن ہیں، انہوں نے واضع کیا کہ اس چنائو میں ہارنے والے امیدوار آئیندہ انتخابات میں رچرڈ برگن کو بھر پور سپورٹ کرینگے کیونکہ یہ مقابلہ صرف پارٹی کے اندر ہوتا ہے۔ انہوں نے کہا رچرڈ برگن بے انتہا خصوصیات کے حامل سیاستدان ہیں اور ممبر پارلیمنٹ منتخب ہونے کے بعد اپنے صلاحیتوں کے بہتریں استعمال سے سب کی امنگوں پر پورا اتریں گے۔ (بیورو رپورٹ: فیاض بشیر)