مقبول خبریں
دی سنٹر آف ویلبینگ ، ٹریننگ اینڈ کلچر کے زیر اہتمام دماغی امراض سے آگاہی بارے ورکشاپ
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
جس لڑکی نے خواب دکھائے وہ لڑکی نابینا تھی!!!!
پکچرگیلری
Advertisement
کولیشن سپورٹ فنڈ سے امریکہ کی آیندہ ماہ پاکستان کو ٣٥ کروڑ ڈالر ادا کرنے کی یقین دہانی
اسلام آباد ... پاکستان کے سٹریٹیجک پارٹنر امریکہ نے بالآخر پاکستان کو "کولیشن "کی مد سے ٣٥ کروڑ ڈالر جاری کرنے کی منظوری دے دی ہے۔ پاکستان میں تعینعات امریکی سفیر رچرڈ اولسن نے اسلام آباد میں وزیر خزانہ اسحاق ڈار سے ملاقات میں اس بات کی تصدیق کی۔ انہوں نے بتایا کہ امریکہ کے سیکرٹری دفاع چگ ہیگل نے پاکستان کے لیے کولیشن سپورٹ فنڈ کی مدد میں 35 کروڑ ڈالر جاری کرنے کی منظوری دی ہے۔ امریکہ کولیشن سپورٹ فنڈ کے تحت دہشت گردی کے خلاف جنگ پر ہونے والے پاکستانی اخراجات کی ادائیگی کرتا ہے۔ امریکہ کی جانب سے پاکستان میں دہشت گردوں کے خلاف کارروائی پر اٹھنے والے اخراجات چار اقساط میں ادا کیے جاتے ہیں۔ وزرات خزانہ کی جانب سے جاری ہونے والے بیان میں کہا گیا ہے کہ 35 کروڑ ڈالر کی یہ رقم فروری کے پہلے ہفتے میں ملنے کا امکان ہے۔ وزراتِ خزانہ کا کہنا ہے کہ 35 کروڑ 20 لاکھ ڈالر مالیت کی قسط مالی سال 2012-2013 کی دوسری ششماہی میں کیے جانے والے اخراجات کی مد میں ادا کی جا رہی ہے۔ رواں مالی سال کے دوران پاکستان کو امریکہ کی جانب سے کولیشن سپورٹ فنڈ کی مد میں ایک ارب 20 کروڑ ڈالر ملنا ہیں تاہم پاکستان کو ابھی 30 کروڑ ڈالر ملے ہیں جب کہ دسمبر میں ملنے والے 35 کروڑ ڈالر اب آئندہ ماہ فروری میں ملنے کی منظوری ہوئی ہے۔