مقبول خبریں
عبدالباسط ملک کے والدحاجی محمد بشیر مرحوم کی روح کے ایصال ثواب کیلئے دعائیہ تقریب
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
میاں جی کی لڑکیاں
پکچرگیلری
Advertisement
شہید ذوالفقار علی بھٹو نے پی پی پی قائم کرکےغربا کو زندہ رہنے کا حق دیا : چیئرمین فیڈرل کونسل
لندن ... شہید ذوالفقار علی بھٹو نے پاکستانی عوام کو شعور دیکر جینے کا حق دیا، وہاں انہوں نے پاکستان کو ایٹمی قوت بنا کر پاکستان کو دنیا کے نقشے پر اجاگر کیا۔ ان خیالات کااظہار پارٹی رہنمائوں نے شہید ذوالفقار علی بھٹو کی 86 ویں سالگرہ کی تقریب سے خطاب کرتے ہوئے کیا جس کا اہتمام پی پی پی کے رہنما خادم حسین ناصر کی رہائش گاہ پر کیا گیا۔ صدارت سعید محمود قائم مقام صدر گریٹر لندن نے کی، تقریب کا آغاز عثمان غنی نے تلاوت قرآن پاک سے کیا اور پارٹی کے تمام شہداء کے بلند درجات کی دعا کی گئی،تقریب میں چیئرمین پی پی پی فیڈرل کونسل برطانیہ و یورپ میاں افضل خالد، ڈپٹی سیکرٹری جنرل برطانیہ ابرار میر، ممبر فیڈرل کونسل تقی شاہ، سیکرٹری فنانس سائوتھ زون عاصم حبیب، راجہ عمران، آصف خان، عثمان غنی پی وائی او نے خطاب کیا۔چیئرمین فیڈرل کونسل میاں افضل خالد نے کہا کہ شہید ذوالفقار علی بھٹو نے پی پی پی قائم کرکے غریبوں پر نہ صرف احسان کیا بلکہ انہیں زندہ رہنے کا بھی حق دیا آج ہمیں سوچنا ہے کہ پارٹی قیادت اور قربانیاں دینے والے کارکنوں کے درمیان کون سے ایسے مفاد پرست عناصر ہیں جو ہمیشہ پارٹی کے برسراقتدار آتے ہی پرانے ، مخلص اور قربانیاں دینے والے کارکنوں کو دیوار سے لگادیتے ہیں، آئندہ مستقبل میں ایسے عناصر کے خلاف پرانے مخلص اور قربانیاں دینے والے کارکنان محاسبہ کرکے اعلیٰ قیادت کو حقائق سے آگاہ رکھیں گے۔ ڈپٹی سیکرٹری جنرل ابرار میر نے کہا کہ شہید ذوالفقار علی بھٹو نہ صرف پی پی پی کے بانی تھے بلکہ وہ پاکستان میں بانی جمہوریت کا اعزاز بھی رکھتے ہیں۔ شہید جمہوریت محترمہ بینظیربھٹو اورامید جمہوریت بلاول بھٹو زرداری دونوں نظریاتی بھٹو ہیں اور ہم سب بھٹو ہیں یہ کوئی جائیداد کا ورثہ نہیں کہ جو اسی خاندان کو آئین اور قانون کے تحت ملے یہ نظریات کا ورثہ ہے۔ خادم حسین ناصر نے کہا کہ قائد عوام کی سالگرہ پر انہیں خراج تحسین پیش کرنے کا یہی ایک اچھا طریقہ ہے کہ ان کی اسلامی و ملکی اور عوامی خدمات کو نوجوان نسل تک پہنچایا جائے۔ فیڈرل کونسل کے رکن تقی شاہ نے کہا کہ بھٹو شہید کی جمہوری جدوجہد میں میرے خاندان کی قربانیوں پر مجھے فخر ہے، اب ہماری نئی نسل بھی بھٹو ازم پر یقین رکھتی ہے۔ پیپلزپارٹی سے ہمارا رشتہ حقیقی رشتوں سے بڑھ کر ہے۔ تقریب میں تالیوں کی گونج میں بھٹو شہید کی 85ویں سالگرہ کاکیک کاٹا گیا۔ نظامت کے فرائض عاصم حبیب نے سرانجام دیے۔