مقبول خبریں
راچڈیل کیسلمئیرسنٹر میں کمیونٹی کو صحت مند رہنے،حفاظتی تدابیر بارے آگاہی ورکشاپ کا انعقاد
یورپی پارلیمنٹ میں قائم ’’فرینڈز آف کشمیر گروپ‘‘ کی تنظیم سازی کردی گئی
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
ہم نے سچ کو دیکھا ہے جھوٹ کے جھروکوں سے!!!!
پکچرگیلری
Advertisement
بھاگنے کی خبروں میں صداقت نہیں،پرویز مشرف قوم کا، اثاثہ صحتیابی زیادہ اہم ہے:حامیوں کا جواب
اسلام آباد ... پاکستان کی سپریم عدالت کا کہنا ہے کہ وارنٹ جاری نہ کرنے کا فیصلہ پرویز مشرف کی ناسازئ طبع کی وجہ سے کیا گیا۔ پرویز مشرف کو غداری کے مقدمے میں جمعرات کو عدالت میں پیش کیا جانا تھا تاہم عدالت جاتے ہوئے راستے میں ان کی طبعیت خراب ہو گئی اور انھیں راولپنڈی میں فوج کے ادارہ برائے شعبۂ امراض قلب ’آرمڈ فورسز انسٹی ٹیوٹ آف کارڈیالوجی‘ لے جایا گیا۔ انکی غیر حاضری میں اسلام آباد کی خصوصی عدالت میں جسٹس فیصل عرب پر مشتمل تین رکنی بنچ نے پرویز مشرف غداری کیس کی سماعت کی۔ مختصر وقفے کے بعد سماعت شروع ہوئی تو عدالت نے استفسار کیا پرویز مشرف کہاں ہیں؟۔ جس پر ڈی آئی جی سیکورٹی نے عدالت کو بتایا طبعیت خراب ہونے کی وجہ سے مشرف عدالت نہیں آ سکے۔ اس جواب کے بعد پراسیکیوٹر اکرم شیخ نے دلائل دیتے ہوئے کہا پرویز مشرف بیماری کا جواز بنا کر اسپتال منتقل ہوئے غداری کیس میں قانون کو اپنا راستہ اختیار کرنا چاہیے۔ انہوں نے استدعا کی کہ خصوصی عدالت پرویز مشرف کی گرفتاری کا حکم دے۔ تاہم عدالت نے خصوصی عدالت نے بیماری کی وجہ سے پرویز مشرف کے وارنٹ گرفتاری جاری نہ کرنے کا فیصلہ کیا ہے۔ مقدمے کی اگلی سماعت پیر 6 جنوری کو ہو گی اور آج کے لئے حاضری سے مستثنی قرار دے دیا۔ اس سے پہلے صبح سماعت کے دوران مشرف کے وکلا نے پیر تک مشرف کی پیشی ملتوی کرنے کی درخواست کی تھی جسے عدالت نے مسترد کر دیا تھا۔ عدالت نے ریمارکس دیے تھے کہ مشرف کے پیش ہونے کے بعد ریلیف دیا جا سکتا ہے۔ مشرف پیش نہ ہوئے تو عدالت مناسب حکم جاری کرنے پر مجبور ہو گی۔ سابق صدر پاکستان پرویز مشرف کے ساتھیوں کا کہنا ہے کہ ہم میدان میں کھڑے ہیں جھوٹی پیشن گویوں سے بہتر ہے کہ کوئی بھی بات عملی طور پر کی جائے۔ سابق صدر کے وکیل احمد رضا قصوری نے کہا ہے کہ پرویز مشرف ایک کمانڈو ہیں وہ کسی سے نہیں ڈرتے ، کمانڈو کا نصب العین یہ ہوتا ہے کہ وہ جان لیتا ہے یا جان دیتا ہے ، میں نے اپنی زندگی میں جنرل آصف نواز جیسا فٹ جرنیل نہیں دیکھا لیکن ہارٹ اٹیک کے آگے اس جیسے شخص کی نہیں چلی ، پرویزمشرف کو دل کی تکلیف بھی اللہ کی رضا ہے۔وہ با عزت اور عظمت کے ساتھ بری ہوں گے ۔ حالات کے پیش نظرپیر 6 جنوری سے قبل کسی قسم کی پیش گوئی ٹی وی چینل کی ریٹنگ بڑھانے کے سوا کچھ نہ ہو گی۔