مقبول خبریں
اولڈہم ٹاؤن میں پہلی جنگ عظیم کی صد سالہ تقریب،جم میکمان،مئیر کونسلر جاوید اقبال و دیگر کی شرکت
مشتاق لاشاری سی بی ای کا پورٹریٹ کونسل ہال میں لگا نے کی تقریب، بیگم صنم بھٹو نے نقاب کشائی کی
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
کمیونٹی مسائل کوسنجیدگی سے نہ لیتے ہوئےنظرانداز کرینگے تو مصائب لازمی جنم لینگے: لارڈ نذیر
لندن ... کمیونٹی کی سرکردہ شخصیت لارڈ نذیر احمد نے کہا ہے عالمی حالات کو مدنظر رکھتے ہوئے ہمیں برطانیہ میں ناصرف باخبر بلکہ باعمل ہوکر رہنے کی ضرورت ہے، آئے روز ہمارے اوپر الزامات کی بوچھاڑ ہو رہی ہے لیکن ہم آنے والے مشکل وقت کو نظر انداز کر کے اپنی اپنی ڈیڑھ اینٹ کی مسجد بنانے پر زور دے رہے ہیں، شام میں جس طرح کا کھیل کھیلا جا رہا ہے کل کو کوئی بھی شخص اسے بہانہ بنا کر برطانیہ میں بم دھماکہ کردے اور کہے میں مسلمان ہوں اور یہ سب اللہ کی رضا کیلئے کیا تو شدید مایوسی اور ڈپریشن کے سوا آپ کے پاس کیا ہوگا۔ لندن میں کمیونٹی شخصیات چوہدری دلپذیر اور چوہدری افضال کی جانب سے پاکستان پریس کلب کے نو منتخب عہدیداران کے اعزاز میں مینعقدہ استقبالیہ میں اظہار خیال کرتے ہوئے ان کا کہنا تھا کہ کمیونٹی کو نوجوانوں کی تعلیم سے دوری سے لیکر ڈرگز میں پڑنے تک انہوں نے ہمیشہ پیش بندی کیلئے آواز اٹھائی ہے جس کا گواہ میڈیا ہے لیکن جب ہم انہیں اپنا مسئلہ نہ سمجھتے ہوئے نظر انداز کریں گے تو آفتیں تو گلے پڑیں گی۔ انہوں نے کہا اب تو برطانوی اخبارات بھی اس بارے اشارات دینے لگے ہیں کہ ہیاں آباد مسلم نسل نو کا کوئی بھی فرد شام میں ہونے والی کاروائیوں سے متاثر ہو کر کچھ بھی کر سکتا ہے۔ اسلئے ہمیں اس پر سنجیدگی سے سوچنا ہوگا۔ تقریب کے میزبانوں چوہدری دلپذیر، چوہدری افضال، آزاد کشمیر سے برطانیہ کے دورے پر آئے سینئر صحافی رمضان چغتائی نے بھی اس موقع پر اظہار خیال کیا جبکہ مسلم لیگ ن برطانیہ کے صدر زبیر گل نے کسی بھی صورت میں اوورسیز کمیونٹی کی مدد کا اعادہ کیا۔ پریس کلب کے صدر فیاض غفور نے شکریہ ادا کرتے ہوئے کلب کے پلیٹ فارم سے کمیونٹی کی خدمت جاری رکھنے کا عزم کرتے ہوئے کہا کہ میڈیا کے بے لوث سپاہی ہر طرح کے حالات میں برطانیہ میں محبت، امن اور بھائی چارے کی فضا کے فروغ کیلئے سرگرم ہیں۔ دی نیشن کے ایڈیٹر محمد سرور کی پریس کلب میں شمولیت کو اثاثہ قرار دیتے ہوئے انہوں نے سینئر صحافی کو خوش آمدید کہا۔ محمد سرور نے اس موقع پر اظہار خیال کرتے ہوئے کہا کہ وہ صحافت کی سیاست سے باغی ہیں کیونکہ عام طور پر اس سے اصل مقاصد حاصل نہیں کئے جاتے تاہم پریس کلب کے دوستوں کی کارکردگی دیکھتے اور ساتھیوں کے اصرار پر وہ غیر مشروط طور پر پریس کلب کے ساتھ چلنے پر آمادہ ہیں۔ اس موقع پرتقریب میں موجود تمام ارکان پریس کلب کی تائید سے انہیں اعزازی چیئرمین منتخب کرلیا گیا۔ تقریب میں کشمیر لنک لندن کے علاوہ دنیا نیوز کے اظہر جاوید، سما ٹی وی کے میر اکرام، ایکسپریس ٹی وی کے نسیم صدیقی، روزنامہ اوصاف کے راجہ فریاد، یوکے ٹائمز کے عطا الحق کے علاوہ چیئرمین کاروان فکر شاکر قریشی، کونسلر افضل اکرم، نتاشہ شیخ و دیگر نے شرکت کی۔