مقبول خبریں
آشٹن گروپ کی جانب سے پوٹھواری شعر و شاعری کی محفل،شعرا نے خوب داد وصول کی
مشتاق لاشاری سی بی ای کا پورٹریٹ کونسل ہال میں لگا نے کی تقریب، بیگم صنم بھٹو نے نقاب کشائی کی
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
صدارتی انتخاب میں متحدہ کی ن لیگ کی حمایت ...پیپلز پارٹی کا بائیکاٹ کا اعلان
اسلام آباد... سپریم کورٹ اور الیکشن کمیشن کے جانبدارانہ فیصلے کی وجہ سےپیپلز پارٹی نے احتجاجاً صدارتی انتخاب کے بائیکاٹ کا اعلان کر دیا ہے۔ اس فیصلے کا اعلان پیپلز پارٹی کے صدارتی امیدوار سینیٹر رضا ربانی، پیپلز پارٹی کے پارلیمنٹیرین کے صدر مخدوم امین فہیم، اپوزیشن لیڈر سید خورشید شاہ، چوہدری اعتزاز احسن، سینیٹر رحمن ملک،قمر زمان کائرہ، سینیٹر باز محمد خان، سینیٹر کلثوم پروین اور دوسرے رہنماؤں نے یہاں مشترکہ پریس کانفرنس میں کیا۔دوسری جانب عوامی نیشنل پارٹی اور مسلم لیگ (ق) نے بھی صدارتی انتخاب کے بائیکاٹ کے حوالے سے پیپلزپارٹی کے فیصلے کی حمایت کر دی۔ سینیٹر رضا ربانی نے کہا کہ ہمارا خیال تھا 18 ویں ترمیم کے بعد الیکشن کمیشن خود مختار ہو گا لیکن الیکشن کمیشن نے خود کوئی فیصلہ کرنے کی بجائے تمام معاملات سپریم کورٹ پر چھوڑ دیئے۔ سپریم کورٹ نے ہمارا موقف سنے بغیر صدارتی الیکشن کی تاریخ تبدیل کر دی۔ ہمارے پاس بائیکاٹ کے سوا کوئی راستہ نہیں تھا... جبکہ متحدہ قومی موومنٹ نے 30جولائی کو ملک میں ہونے والے صدارتی انتخاب کے لیے پاکستان مسلم لیگ (ن) کے صدارتی امیدوار ممنون حسین کی غیر مشروط طور پرحمایت کا اعلان کیاہے. مسلم لیگ ن کی جانب سے ایم کیوایم کو وفاقی حکومت کا حصہ بننے کی دعوت دی گئی ہے جس پر ایم کیوایم نے ن لیگ کو واضح کیا ہے کہ حکومت میں شمولیت کے حوالے سے مشاورت کے بعد جواب دیاجائیگا۔ پاکستان مسلم لیگ ن کا چھ رکنی نمائندہ وفد وفاقی وزیر خزانہ اسحاق ڈارکی سربراہی میں گورنر سندھ ڈاکٹر عشرت العباد خان کے ہمراہ جمعہ کی شب ایم کیوایم کے مرکز نائن زیروآیا ن لیگ کے وفد میں ن لیگ کے صدارتی امیدوارممنون حسین ،وفاقی وزیر اطلاعات پرویز رشید،سینیٹر ظفر اقبال جھگڑا ،سلیم ضیاء، اور نہال ہاشمی شامل تھے۔ ن لیگ کا وفد جب گورنرسندھ کے ہمراہ نائن زیرو پہنچا تو ا ن کا ایم کیوایم کی جانب سے روایتی انداز میں شاندار استقبال کیاگیا اور وفد کے ارکان کو پھولوں کے ہارپہنائے گئے ایم کیوایم کے کارکنا ن کی جانب سے اس موقع پر ایم کیوایم او رقائد تحریک الطاف حسین کے حق میں نعرے بازی کی گئی..