مقبول خبریں
دی سنٹر آف ویلبینگ ، ٹریننگ اینڈ کلچر کے زیر اہتمام دماغی امراض سے آگاہی بارے ورکشاپ
پارٹی رہنما شعیب صدیقی کو پاکستان تحریک انصاف پنجاب کا سیکریٹری جنرل بننے پر مبارک باد
جموں کشمیر تحریک حق خود ارادیت جولائی میں برطانیہ و یورپ میں کانفرنسز،سیمینارز منعقد کریگی
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مسئلہ کشمیر کو برطانیہ و یورپ میں اجاگر کرنے پر تحریکی عہدیداروں کا اہم کردار ہے: امجد بشیر
جس لڑکی نے خواب دکھائے وہ لڑکی نابینا تھی!!!!
پکچرگیلری
Advertisement
پاکستان قدرتی وسائل اور افرادی قوت سے مالا مال دنیا کا اہم ملک ہے،برطانوی طلبا کوبریفنگ
لندن ... پاکستان قدرتی وسائل سے مالا مال اور دنیا کی بہترین محنت کش ورک فورس سے بھرپور دنیا کا چھٹا بڑا ملک ہے، اسکی آب و ہوا، بدلتے موسم اور دنیا کے انتبائی اہم خطے میں واقع ہونا اس کی جغرافیائی اہمیت اور اور واضع کرتا ہے۔ ان خیالات کا اظہار پاکستانی ہائی کمشنر واجد شمس الحسن نے برطانوی طلبا کے ایک گروپ سے بات چیت کرتے ہوئے کیا۔ جنوب مشرقی لندن کے نواح میں واقع کینٹ کے دی سکنرز سکول کے 17 رکنی اس طلبہ وفد نے اگلے سال جنوری میں امریکی ریاست بوسٹن کے شہر میسا چوسٹس میں ہارورڈ ماڈل یونائیٹڈ نیشنز کانفرنس کے 61 ویں سیشن میں پاکستان کی نمائندگی کرنی ہے۔ ان طلبہ کو پاکستان میں گہری دلچسپی اور انکی زادی صلاحیتوں کی بنا پر چنا گیا ہے۔ منتخب کیے گئے طالب علم اہم غیر ملکی پالیسی معاملات پر اپنی تجاویز پیش کرکے اور عملدرآمد نہ ہونے والی اقوام متحدہ کی قراردادوں پر مذاکرات کے ذریعے پاکستان کا نقطہ نظر پیش کریں گے۔ یہ طالب علم اپنے انگلش ٹیچر جیمز کولٹیلا کے ہمراہ تھے۔ ہائی کمشنر نے طالب علموں کو پاکستان، اس کا جغرافیہ، ثقافت، ورثہ، لوگ اور معیشت پر تعارف پیش کیا۔ ہائی کمشنر کا کہنا تھا کہ پاکستان انتہائی ہنرمند افرادی قوت اور قدرتی وسائل میں دنیا کا چھٹا بڑا ملک ہے۔ پاکستان انتہائی اہم اور خوبصورت جغرافیائی مکانیت کا حامل ہے، جہاں میدانی علاقوں سے لے کر صحراؤں اور بلند ہموار علاقوں سے لے کر ہمالیہ، قراقرم اور ہندوکش کے پہاڑی سلسلے موجود ہیں۔ پاکستان کی خارجہ پالیسی پر گفتگو کرتے ہوئے ہائی کمشنر نے بتایا کہ پاکستان کی خارجہ پالیسی بین الاقوامی امن اور سلامتی کی بنیاد پر مرتب کی گئی ہے۔ مزیدبرآں ہائی کمشنر واجد شمس الحسن نے اس امر پر روشنی ڈالی کہ حکومت پاکستان ملک میں دہشت گردی کے پرامن اختتام کا فیصلہ کرچکی ہے۔ اور اپنے ہمسایہ ممالک جن میں چین، بھارت اور افغانستان شامل ہیں سے بہتر تعلقات استوار کر رہی ہے۔