مقبول خبریں
راچڈیل مساجد کونسل کی طرف سے مئیر کونسلر محمد زمان کی مئیر چیرٹیز کیلئے فنڈ ریزنگ ڈنر کا اہتمام
اوورسیز پاکستانیوں کے لئے خصوصی سیل بنایا جانا چاہئے: سلیم مانڈوی والا
مسئلہ کشمیر کو پر امن طریقے سے حل کیا جائے: برطانوی و یورپی ارکان پارلیمنٹ کا مطالبہ
برطانیہ میں آباد تارکین وطن کی مسئلہ کشمیر پر کاوشیں قابل تحسین ہیں:چوہدری محمد سرور
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
کشمیریوں کو ان کا حق دیئے بغیر خطے میں پائیدار امن کا حصول ممکن نہیں: راجہ نجابت حسین
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
برطانیہ میں مقیم کشمیری و پاکستانی 16مارچ کو بھارت کے خلاف مظاہرہ کریں گے: راجہ نجابت حسین
وہ بے خبر تھا سمندر کی بے نیازی سے!!!!!
پکچرگیلری
Advertisement
لوکل الیکشن میں باصلاحیت کشمیری نوجوان کی سابق وزیر اعظم کی ساس جغادری سیاستدان کو شکست
مانچسٹر ... برطانیہ میں آباد پاکستانی و کشمیری کمیونٹی کے بارے میں کوئی برٹش سیاستدان کچھ بھی کہے اور اس پر جیسا بھی رد عمل آئے اسے محض اتفاق کہا جا سکتا ہے مگر اسی کمیونٹی سے جب کوئی نوجوان لڑکا یا لرکی اپنے صلاحیتوں کے بل بوتے پر کوئی کامیابی حاصل کرتے ہیں تو وہ اتفاق نہیں بلکہ حقیقت ہوتی ہے، اس حقیقت کا ادراک برطانیہ کی پہلی مسلمان خاتون وزیر بیرونس سعیدہ وارثی، یورپی پارلیمنٹ میں فرینڈزآف پاکستان کے چیئرمین سجاد کریم، میئر والتھم فاریسٹ ندیم علی سمیت نسل نو کے کئی نوجوانوں نے اپنے اپنے شعبے میں کروادیا۔ حال ہی میں گریٹر مانچسٹر سے کشمیر کے ایک سپوت نے برطانیہ کے سابق وزیر اعظم کے گھرانے کی جغادری سیاستدان خاتون کو لوکل کونسل میں شکست دیکر مخالفین کو بہت کچک سوچنے پر مجبور کردیا ہے۔تفصیلات کے مطابق آزاد کشمیر کے ضلع کوٹلی کے گاؤں انوہی سرہوٹہ سے آبائی تعلق رکھنے والے راجہ ظہیر عباس نے لوکل کونسل کے ضمنی الیکشن میں سابق وزیر اعظم ٹونی بلیئر کی خوشدامن کو کانٹے دار مقابلے میں شکست دے کر اپ سیٹ کر دیا،راجہ ظہیر عباس برطانیہ کے شہر ٹوڈمورڈن کی کونسل میں لبرل ڈیموکریٹ کے ٹکٹ پر سابق وزیر اعظم ٹونی بلیئر کی ساس سٹیف بوتھ کے مدمقابل الیکشن لڑ رہے تھے ۔ انگلش اکثریتی کونسل میں شائد کسی نے سوچا بھی نہ ہوگا کہ گزشتہ پارلیمانی الیکشنزکی امیدوار کہنہ مشق سیاستدان اور وزارت عظمی جنکے گھر میں عرصہ دراز تک مقیم رہی ہو وہ ایک عام سے محنتی نوجوان سے ہار جائیں گی لیکن لیکن جمہوریت کی ماں کہلانے والے ملک برطانیہ کا یہی حاصہ ہے کہ قابلیت اور صلاحیت کی قدر ضرور کی جاتی ہے۔راجہ ظہیر کی شاندار کامیابی سے تارکین وطن کمیونٹی اور ان کے عزیز واقارب میں خوشی کی لہر دوڑ گئی واضح رہے کہ راجہ ظہیر عباس کاآبائی تعلق انوہی سرہوٹہ ضلع کوٹلی سے ہے وہ سابق بنک آفیسر اور علاقے کی ہردلعزیز شخصیت راجہ مہتاب خان مرحوم کے فرزند اور راجہ طالب خان ایڈووکیٹ،بابو راجہ ابرار حسین کے کزن ہیں ان کی شاندار کامیابی پر برطانیہ بھرسے کمیونٹی رہنماوں نے مسرت کا اظہار کرتے ہوئے مبارکباد دی ہے راجہ ظہیر عباس نے اپنی کامیابی پر اللہ تعالیٰ کا شکر ادا کرتے ہوئے کہا کہ وہ وارڈ کے مکینوں نے جس اعتماد سے نوازا ہے اس پر پورا اترانے کی ہر ممکن کوشش کی جائے گی انہوں نے کامیابی کو والدین اور عزیز واقارب کی دعاؤں کا نتیجہ قرار دیتے ہوئے کہا کہ وہ اپنے آباؤ اجداد کے نقش قدم پر چلتے ہوئے سیاست کو حقیقی معنوں میں عوامی خدمت کا فریضہ سمجھ کر ادا کریں گے مسلم لیگ ن آزاد کشمیر کے چیئرمین وسابق لارڈ میئرشفیلڈ راجہ قربان حسین،کونسلرراجہ عارف خان،راجہ آفتاب شریف،راجہ عبدالقیوم،راجہ ضیا الحق،راجہ محمد نواز بری،راجہ شاہنواز خان،راجہ رفیق خان،راجہ محمود ناز،راجہ عبدالرحمن،سید اسد شاہ،چوہدری اکرم،راجہ آصف خان،راجہ فیاض خان،راجہ اشتیاق فوجی،راجہ حسن اختر،راجہ افتخار کھیتاڑوی،راجہ مظہر اقبال،راجہ غفور،راجہ محمود قربان اور دیگر بہت سے افراد نے راجہ ظہیر عباس کی شاندار کامیابی پر ان سمیت راجہ مشتاق خان،راجہ طالب ایڈووکیٹ،بابو راجہ ابرار اور خاندان کے دیگر افراد کو مبارکباد دیتے ہوئے نیک خواہشات کا اظہار کیا ہے۔