مقبول خبریں
چوہدری بشیر رٹوی کی ربیکا لانگ بیلی سے ملاقات،مقبوضہ کشمیر بارے یاداشت پیش کی
بھارتی ظلم و جبر؛ برطانیہ کے بعد امریکی اخبارات میں بھی مسئلہ کشمیر شہہ سرخیوں میں نظر آنے لگا
جموں کشمیر تحریک حق خود ارادیت برطانیہ و یورپ میں کانفرنسز اورسیمینارز منعقد کریگی : راجہ نجابت
قومی متروکہ وقف املاک بورڈ کا سربراہ پاکستانی ہندو شہری کو لگایا جائے:پاکستان ہندوکونسل کا مطالبہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
مظلوم کشمیری بھائیوں کیلئے پہلے کی طرح آواز بلند کرتے رہیں گے:مئیر کونسلر طاہر محمود ملک
اوورسیز پاکستانیز ویلفیئر کونسل کا وسیم اختر چوہدری اور ملک ندیم عباس کے اعزاز میں استقبالیہ
مودی کا دورہ فرانس، کشمیری و پاکستانی پیرس میں احتجاج کریں:جموں کشمیر تحریک حق خود ارادیت
وہ جو آنکھ تھی وہ اجڑ گئی ،وہ جو خواب تھے وہ بکھر گئے
پکچرگیلری
Advertisement
قرآن مجید کو جتنا پڑھیں گے زندگیوں سے اندھیرے دور ہونگے: ڈاکٹر طاہر القادری
مانچسٹر (محمد فیاض بشیر)مانچسٹر کے مقامی ہال میں ادارہ منہاج القرآن انٹرنیشنل کے زیر اہتمام قرآن مجید کے انگریزی انسائیکلوپیڈیا کی تقریب رونمائی ہوئی۔شیخ السلام ڈاکٹر علامہ طاہر القادری نے خصوصی بیان کیا اور انگریزی زبان میں قرآنی انسائیکلوپیڈیا بارے آگاہی دی۔ برطانیہ و یورپ بھر سے جید علمائے کرام نوجوانوں، خواتین و مرد حضرات نے بڑی تعداد میں شرکت کی۔اس موقع پر ڈاکٹر علامہ طاہر القادری کا کہنا تھا کہ انہوں نے جو انگریزی زبان میں قرآنی انسائیکلوپیڈیا لکھا ہے اسکی تقریب رونمائی کے سلسلہ میں آئے تھے۔ان کا مذید کہنا تھا کہ قرآنی انسائیکلوپیڈیا میں بنیادی پیغام یہ دیا ہے کہ زندگیوں میں اندھیروں، جہالت، ناانصافی، بداخلاقی کو ختم کرنے کے لیے قرآن کریم سے ناطہ جوڑیں۔ ان کا کہنا تھا کہ جتنا قرآن مجید کو پڑھیں گے اس پر عمل اور صحیح معنوں کی گہرائی میں جائیں گے اتنے ہی اندھیرے ہماری زندگیوں سے دور ہوں گے۔ ممبر یورپین پارلیمنٹ وشیڈ وزیر افضل خان کا کہنا تھا کہ انگریزی زبان میں قرآنی انسائیکلوپیڈیا خوش آئند بات ہے ہمیں علم کی ضرورت ہے ۔ان کا مذید کہنا تھا کہ اگر ہم علم اپنی نوجوان نسل کو دیں گے تو انکی زندگی بہتر ہو گی دین انکو زندگی گزارنے کا سلیقہ سکھائے گا اور غلط معلومات سے مقابلہ کرنے کے لیے انہیں انگریزی انسائیکلوپیڈیا سے مدد ملے گی۔ تقریب میں شریک دیگر شرکاء کا کہنا تھا کہ انگریزی قرآنی انسائیکلوپیڈیا کی تقریب رونمائی میں برطانیہ و یورپ بھر سے نوجوانوں ، جید علمائے کرام نے شرکت کی ۔ ان کا مذید کہنا تھا کہ قرآنی انسائیکلوپیڈیا میں شیخ الاسلام علامہ ڈاکٹر طاہر القادری نے پانچ ہزار عنوان اور بیس ہزار موضوعات کی تشریح کی ہر گھر میں قرآنی انسائیکلوپیڈیا ہونا چاہیئے۔ قرآن مجید عربی زبان میں تھا انہوں نے اردو اور اب انگریزی زبان میں اس کا اجراء کر کے امت مسلمہ کا قرآن کریم سے تعلق مضبوط کیا۔شرکائے تقریب کا مذید کہنا تھا کہ نوجوان نسل کا قرآن مجید سے گہرا تعلق رکھنے اور سمجھنے کے لیے ایک عظیم تحفہ ہے آج سے پہلے کسی نے بھی قرآنی انسائیکلوپیڈیا نہیں لکھا ۔ شرکائے تقریب نے ڈاکٹر علامہ طاہر القادری کی دین اسلام کے لیے کاوشوں کو امت مسلمہ کے لیے قیمتی اثاثہ قرار دیا۔