مقبول خبریں
مئیر کونسلر جاوید اقبال نےرضاکارانہ خدمات پرتنظیم وائی فائی کو تعریفی سرٹیفکیٹ اور شیلڈ سے نوازا
پیپلزپارٹی کے رہنما ندیم اصغر کائرہ کی پریس کانفرنس ،صحافیوں کے سوالات کے جوابات دیئے
واجد خان ایم ای پی کا آزاد کشمیر سے آئے حریت کانفرنس کے رہنمائوں کے اعزاز میں عشائیہ
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
سید حسین شہید سرور کا سابق پراسیکیوٹر ایڈوکیٹ جنرل ریاض نوید و دیگر کے اعزاز میں عشائیہ
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
جموں و کشمیر تحریک حق خود ارادیت انٹر نیشنل کے زیر اہتمام پہلی کشمیر کلچرل نمائش کا اہتمام
دسمبر بے رحم اتنا نہیں تھا!!!!!!!!!!!!!
پکچرگیلری
Advertisement
میاں نوازشریف اورمسلم لیگ ن تارکین وطن کی خدمات پر فخر کرتے ہیں:سینیٹر اقبال ظفر جھگڑا
برمنگھم ... پاکستان مسلم لیگ ن کی موجودہ حکومت عوام کے تمام تر مسائل کے حل میں سنجیدہ ہے، ہمیں شور ڈالنے کی عادت نہیں لیکن ایسے منصوبوں پر کام شروع کر دیا گیا ہے جن کے ثمرات جلد سامنے آنا شروع ہو جایئں گے۔ ہم تارکین وطن کے مسائل کو حل کرنے کی بھرپور کوشش کریں گے ہر اوورسیز پاکستانی ملک کا سفیر ہے۔ ان کے ٹیلی فون چارجز، پی آئی اے کی چھٹیوں کے دوران کرائے میں اضافہ اور سفارتخانوں سمیت ہر قسم کے مسائل کو حل کریں گے۔ ان خیالات کا اظہارمسلم لیگ ن کے مرکزی جنرل سیکرٹری سینیٹر اقبال ظفر جھگڑا نے کل جماعتی انٹرنیشنل کشمیر رابطہ کمیٹی کے صدر راجہ امجد خان کی جانب سے منعقدہ تقریب کے موقع پر بطور مہمان خصوصی کیا۔ تقریب سے برمنگھم قونصلیٹ کے قونصل جنرل شیر بہادر خان، مرکزی رہنما مسلم لیگ ن راجہ ایاز خان ایڈووکیٹ، صدر کشمیر رابطہ راجہ امجد خان، کونسلر راجہ وسیم ظفر، جنرل سیکرٹری مسلم لیگ ن یوتھ ونگ برطانیہ تصورنقوی، مرکزی رہنما محسن عباسی، سابق کونسلر راجہ شوکت، تصدق کرڑوی، دائریکٹرحسنات کالج برمنگھم ڈاکٹر اقتدار کرامت چیمہ، ایڈیشنل جنرل سیکرٹری راجہ رفاقت خان نے بھی خصوصی خطاب کیا جبکہ علامہ رفیق چشتی نے تلاوت کلام پاک سے تقریب کا آغاز کیا۔ اس موقع پر کمیونٹی کی سرکردہ شخصیات نے بڑی تعداد میں شرکت کی جن میں سابق کونسلر چوہدری محمد سعید، مشیرآزاد حکومت چوہدری منظور حسین، پی آر او اوورسیز ایم ایل اے الحاج راجہ گلتاسب خان، نائب صدر پی پی برطانیہ چوہدری عارف کیروی، نائب صدر مسلم لیگ ’ن‘ مڈلینڈ راشد محمود مرزا، چیئرمین مسلم لیگ ن ویلفیئر بورڈ راجہ فرید خان، لبریشن لیگ کے چوہدری ظفر اقبال ایڈووکیٹ سمیت دیگر لوگ شریک تھے۔ سینیٹر اقبال ظفرجھگڑا نے کہا کہ نواز شریف چیلنجز سے نمبردآزما ہونے کی اہلیت اور تجربہ رکھتے ہیں، میاں نوازشریف اوران کی جماعت تارکین وطن پر فخر کرتے ہیں۔ ہمیں تارکین وطن کی وطن پر محبت پر رشک آتا ہے، پاکستان کی اکانومی میں ان کا رول نظر انداز نہیں کیا جاسکتا، مسئلہ کشمیر کو ہر سطح پر اٹھایا جائے گا۔ راجہ اپنے خان نے اپنے خطاب میں اقبال ظفر جھگڑا کو برطانیہ آمد پر خوش آمدید کہا۔ انہوں نے کہا جب سے پاکستان میں ن لیگ کی حکومت آئی ہے دشمن قوتوں نے اپنے وار تیز کردئے ہیں لیکن ہمارا عزم اور استقلال ڈولنے والا نہیں ہمارے قائد میاں محمد نواز شریف غربت کی چکی میں پسی عوام کو خوشحالی کی راہ پر ڈال کر ہی چھوڑیں گے۔