مقبول خبریں
پاکستانی کمیونٹی سنٹر اولڈہم میں بیڈمنٹن ٹورنامنٹ کا انعقاد، برطانیہ بھر سے 20 ٹیموں کی شرکت
قاضی انویسٹ منٹ کی جانب سے وطن کی محبت میں ڈیم فنڈ کیلئے ایک لاکھ پائونڈ عطیہ کا اعلان
تحریک حق خود ارادیت انٹر نیشنل کے ساتھ ملکر کشمیر کانفرنس کا انعقاد کرینگے :کرس لیزلے و دیگر
ڈیم سے روکنے کی کوشش پر غداری کا مقدمہ چلے گا: چیف جسٹس پاکستان
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
پاکستان سے تشریف لائے ممبر پنجاب اسمبلی فیاض احمد وڑائچ کا دورہ منہاج ویلفیئر فائونڈیشن
ہم دھوپ میں بادل کی، درختوں کی طرح ہیں!!!!!!!
پکچرگیلری
Advertisement
ہنر مند اور تربیت یافتہ ایشیائی کری شیف برطانیہ بلانےمیں آجروں کی مدد کی جائے گی:کیمرون
لندن ... برطانوی وزیر اعظم ڈیوڈ کیمرون نے پاکستان، بنگلہ دیش اور انڈیا سے ریسٹورنٹ اندسٹری میں مہارت کے حامل ہنرمندوں کو برطانیہ میں کام کے ترجیحی ویزے دینے کا اشارہ کیا ہے۔ لندن میں منعقدہ ایشیائی کھانوں کے سالانہ مقابلے "برٹش کری ایوارڈ" کی تقریب سے خطاب کرتے ہوئے ان کا کہنا تھا کہ ان ممالک کے شیف حضرات نے برطانیہ کو پہلے ہی اپنے ذائقے کی گرفت میں لے رکھا ہے۔ واضع رہے کہ یورپ میں ایشیائی سالن کو "کری" اور اسے تیار کرنے والے کو "شیف" کہا جاتا ہے۔ تقریب میں خطاب کرتے ہوئے برطانوی وزیراعظم نے کہاکہ برطانیہ کی کری ڈشز نے جنوبی ایشیا کو بھی پیچھے چھوڑ دیا ہے جہاں سے یہ ڈشز شروع ہوئی تھیں ۔ انہوں نے کہاکہ کری برطانوی شناخت کا حصہ بن چکی ہے اورحکومت اس انڈسٹری کے مخصوص مسائل مثلاً بھارت، پاکستان، بنگلہ دیش جیسے مقامات سے شیفس کی ریکروٹنگ سےنمٹنے میں مدد دے گی۔ انہوں نے کہا میں جانتا ہوں کہ امیگریشن اور ضرورت کے مطابق درکار تجربہ کار شیفس کے حوالے سے دوسری انڈسٹریز کی طرح اس انڈسٹری کو بھی مخصوص چیلنجز کا سامنا ہے۔ ہم اس مسئلے سے نمٹنے کیلئے مل کر کام کریں گے اور آپ لوگوں کے آبائی ممالک سےآپکی ضرورت کے مطابق درکار ایشین سکلڈ شیفس کی خدمات کے حصول میں مدد دیں گے۔ وزیر اعظم نے یہ بھی عزم کیا کہ اپرنٹس شپس اور سکالر شپس کے ذریعے ملکی شیفس کو تربیت دی جائے گی اور سرمایہ کاری کی جائے گی۔ برٹش کری ایوارڈز کی تقریب کا اہتمام برطانیہ میں کری انڈسٹری کی معروف شخصیت انعام علی ایم بی ای نے کیا تھا جبکہ شوبز کے معروف ستاروں نے نظامت بھی کی اور اپنے اپنے فن کا جادو بھی جگایا۔ تقریب میں کری اندسٹری سے تعلق رکھنے والے ایشیائی اور برطانوی بزنس مین کی کثیر تعداد شامل تھی جبکہ ممبران اسمبل، مئیرز، کونسلرز اور ان ممالک کے سفارتی مہمانوں کو بھی مدعو کیا گیا تھا۔ تقریب میں مختلف کیٹیگریز میں ایوارڈز بھی تقسیم کیے گئے اور مہمانوں کو تجربہ کار شیفوں کے ہاتھوں تیار کردہ تازہ دیسی کھانا کھلایا گیا۔