مقبول خبریں
اولڈہم ٹاؤن میں پہلی جنگ عظیم کی صد سالہ تقریب،جم میکمان،مئیر کونسلر جاوید اقبال و دیگر کی شرکت
مشتاق لاشاری سی بی ای کا پورٹریٹ کونسل ہال میں لگا نے کی تقریب، بیگم صنم بھٹو نے نقاب کشائی کی
بھارت اپنے توپ و تفنگ سے اب کشمیری عوام کے جذبہ حریت کو دبا نہیں سکتا:بیرسٹر سلطان
تین طلاقوں پر سزا، اسلامی نظریاتی کونسل کا وسیع پیمانے پر مشاوت کا فیصلہ
مقبوضہ کشمیر میں بھارتی افواج کی فائرنگ سے شہری شہید، حریت رہنماؤں کی شدید مذمت
لوٹن میں بھی پی ٹی آئی کی کامیابی کا جشن، ڈھول کی تھاپ پر سڑکوں پر رقص اور بھنگڑے
آکاس انٹرنیشنل کی جانب سے پیرس فرانس میں پہلے یورپین فیملی فنگشن کا انعقاد
کشمیریوں کو حق خود ارادیت دیا جانا چاہیے تاکہ وہ اپنے مستقبل کا فیصلہ کر سکیں : مقررین
آدمی کو زندگی کا ساتھ دینا چاہیے!!!
پکچرگیلری
Advertisement
ملک وقوم کا وقار بلند کرنے کے لیے اوورسیز نے ہمیشہ کلیدی کردار ادا کیا:کل جماعتی کشمیر رابطہ کمیٹی
برمنگھم ... برطانیہ میں آبادپاکستانی و کشمیری اوورسیز کمیونٹی کو درپیش مشکلات اور مسائل کے حل کے لیے کمیونٹی سے ملکر کام کا آغاز کردیا گیاہے ، اب یہ آپ لوگوں پر فرض ہے کہ آپ درست شکایات اورقابل عمل تجاویز اور مشورے دیں تاکہ ان پر فوری عمل درآمد کیا جائے۔ان خیالات کا اظہار پاکستان ہائی کمیشن لندن کی کمیونٹی ویلفئیر اتاشی فضا بتول نے برمنگھم میں کل جماعتی کشمیر رابطہ کمیٹی کی جانب سے منعقدہ ایک تقریب میں کیا۔ انہوں نے مزید کہا کہ پاسپورٹ، شناختی کارڈ اور ویزا جیسے مسائل اب ترجیحی بنیادوں پر حل ہورہے ہیں، ویزا کو ٹھیکے پر دینے اور فون کارڈ چارجزپر سفارشات حکومت کو ارسال کردی گئی ہیں عنقریب عوام کو خوشی ملے گی، انہوں نے یہ بھی کہا کہ ملک و قوم کا وقار بلند کرنے کے لیے کمیونٹی صبر اور تحمل سے ہائی کمیشن کا بھرپور ساتھ دے۔ تقریب کے منتظمین کشمیر رابطہ کمیٹی کے صدر راجہ امجد خان اور تحریک کشمیر یورپ کے صدر محمد غالب تھے جبکہ مقررین میں برمنگھم قونصلیٹ کے قونصلر جنرل شیر بہادر خان اور سینئیر کمیونٹی رہنما مولانا بوستان القادری نے بھی اس موقع پر اظہار خیال کیا۔ قونصلیٹ جنرل شیر بہادر خان نے کہا کہ برمنگھم قونصلیٹ کے دروازے کمیونٹی کی فلاح و بہبود اور درست شکایات اور مناسب تجاویز کے لیے کھلے ہیں۔ تقریب سے صدر کشمیر رابطہ کمیٹی راجہ امجد خان، سرپرست اعلی مولانا بوستان لقادری،صدر تحریک کشمیر یورپ محمد غالب،کونسلر افضل ،مسلم لیگی رہنما راجہ ایاز ایڈووکیٹ، فیصل ابرو، ابرار مغل سیاکھوی، مذہبی اسکالر سرفراز مدنی، یوتھ ونگ مسلم لیگ ن کے سیدتصورنقوی اور دیگر سیاسی و سماجی شخصیات نے خطاب کرتے ہوئے پاکستان ہائی کمیشن کو مسائل اور مشکلات کے حل کے لیے مکمل یقین دلاتے ہو ئے کہا کہ ملک و قوم کا وقار بلند کرنے کے لیے ہمیشہ اوورسیز نے کلیدی کردار ادا کیا ہے اور آئندہ بھی اوورسیز ایسا کرتے رہیں گے۔